Ова е интересен начин за брзо кисење на зелка за сарма. За една седмица веќе е ферментирана и може да се користи за салата, а за две седмици листовите се фино омекнати за виткање сарми.
Овој рецепт се препорачува за мала количина, 3-4 главици зелка, па доколку за кратко време, на пример за слава, ви треба оваа количина на домашна кисела зелка – ова е вистинскиот рецепт за вас.
ПОТРЕБНИ СОСТОЈКИ: 5-6 кг (3-4 главици) зелка, 1 рака жолто фино мелено пченкарно брашно, 1 парче леб и сол (објаснето е во рецептот).
И УШТЕ ЌЕ ВИ БИДЕ ПОТРЕБНО: 1 мало буре или канта, 1 пластичен потиснувач (решетка или слично) и 1 помал сад или кутија од 1-2 литри
ПОСТАПКА: За брзо киселење на зелката важно е таа да се чува во кујна или трпезарија (на топло) и затоа е важно да имате некаква канта или мало буре со добар капак (што добро дихтува).
На овој начин зелката брзо се кисели, а со самото тоа, за само неколку денови започнува да се чувствува мирисот, па затоа е важно да има добар капак кој нема да дозволува премногу да излегува мирис.
Зелката исчистете ја од надворешните листови, отстранете ги деловите кои имаат некои дамки или нечистотија, па малку издлабете го „кочанот“ – коренот (тврдиот средишен дел).
Наредете ја во кантата колку што може да собере, а она што ќе остане исечете го на половинки и четвртинки и напикајте ги помеѓу главиците (ова ќе ви биде за салата или подварок).
Наросете една рака фино мелено пченкарно брашно и додајте едно парче леб. Солта никогаш не ја мерам според количината на зелката, туку според соленоста на солилото/расолот. Зелката мора да биде солена, бидејќи тоа ја одржува за да не се расипе.
На еден литар вода ставам помеѓу 25 и 30 г морска ситна сол. Пробајте со прст, не треба да биде премногу солено, но ниту слабо солено, бидејќи тоа ќе биде приближно соленоста и на вашата зелка, па сами оценете. Јас не сакам да ми биде пресолено.
Во еден бокал мерам 27 г сол и додавам 1 литар вода, добро промешувам да се раствори и со тоа ја преливам зелката. Така правам сè додека да се исполни до врв.
ПОВРЕМЕНО СТАВАМ МАЛКУ ПОТОПЛА ВОДА ОД БОЛЈЕР, НО НИКАКО ВРЕЛА ВОДА.
Кога кантата ќе се исполни, ставам пластичен потиснувач, а преку него пластична кутија, сето тоа заедно го притискам за да се наполни кутијата со вода и со својата тежина да ја потисне зелката која треба да биде целосно потопена. Со капакот дополнително притиснувам.
Следниот ден го вадам она парче леб и додавам уште солена вода по потреба (зелката да биде прекриена). Не ја отворам кантата секој ден, ама често ја отворам. Бидејќи не е ладна, од секоја страна каде што може да ми влезе раката, малку подбутнувам и промешувам за да се изврти расолот.
На ваков начин зелката започнува да се кисели веќе за неколку дена. За 10 дена зелката е спремна за салата, а за сарма е готова за 2 седмици.
Парчето леб кое го ставивме не е пожелно да се става во големо буре со многу зелка, бидејќи после месец-два, расолот почнува да потемнува и да добива малку необичен мирис. Но, за вака мала количина која се троши во рок од три седмици, е сосем во ред.
Околу сортата на зелка не можам многу да ви помогнам, мора да користите сорта која може да се кисели (не може секоја). Ако сортата е добра, зелката никогаш не ми се расипува (дури ни на собна температура во кујна), а ако не е добра, ќе ми се расипе сред зима и тоа на тераса.
Колку што сфатив досега, други тpикови нема. За зелка не е потребно сè да биде стерилно, се става обична вода од чешма, така што верувам дека никаде не можеме да погрешиме, освен во изборот на сортата. Доколку имате искуство со некоја посебна сорта, слободно дајте предлог во коментар.
