Празот е вистински извор на витамини и минерали. Во б орбата за зајакнување на имунитетот, што сега е поважно од било кога, празот е неизбежен. Празот содржи голема количина протеини, бета-каротен и витамин Ц.
Тој е одличен извор на манган, железо, фолна киселина и витамин Б6. Има корисен ефект врз дишните и дигестивните органи, бубрезите, црниот дроб, кр-вта и вените. Помага при кашлање, смирува кашлица, смирува пневмонија и астма. Го регулира холестеролот и ја забрзува функцијата на бубрезите.
Напитокот од праз има антиинфламаторно дејство, го зајакнува имунитетот, но помага и при респираторни проблеми. Празот е добар за јадење, но ќе му обезбедите подобра заштита на организмот доколку го направите овој напиток.
Потребни состојки: 1 мал праз, 3 јаболка, парче рендан ѓумбир.
Постапка: ставете ги сите состојки во блендер или соковник, измиксајте и напитокот е готов. Се пие секогаш свежо приготвен на гладно или помеѓу оброците (да не се меша со друго јадење).
ПРАЗ ВО ГАЗИРАНА ВОДА ЗА НАМАЛУВАЊЕ НА ШЕЌЕР И ХОЛЕСТЕРОЛ
Рецептот и своето искуство со овој природен лек го објави нашата драга членка Бранка Јаков во групата НМД рецепти, а видеото со презентацијата може да се погледнат во истата група.
Таа вели дека лично го испробала овој напиток и дека многу и помогнал. Многу сме благодарни за споделениот рецепт, но и за снименото видео во кое може да се види постапката и објаснувањето.
Се надеваме дека на многумина ќе им биде од помош ова искуство на нашата драга Бранка. “Еве и од мене нешто домашно од мојата бавча, а со него и рецепт со видео со подготвка на лек за луѓето што имаат покачен шеќер во кр-вта.
Јас го испробав и многу ми помогна. Поздрав од градот на оризот, градот Кочани и Општина Чешиново-Облешово”- срдечно, Бранка Јаков.
Потребни состојки: 1 тенок постар праз, свеж со корења и 1,5-2 литри газирана/минерална вода
Постапка: се корне еден страк праз и убаво се истресува од земјата. Коренот треба да се сочуван, свеж и неоштетен. Се мие долго време под млаз ладна вода, сè додека од него да се испере и најмалата нечистотија.
Исто така се мијат убаво и листовите и секој превој каде што би можело да се задржи земја или нечистотија. Од листовите се потсекуваат само врвовите кои најчесто се засушени.
Ако празот е многу долг се сече на два или три делови за да го собере во шише од 2 литри. Шишето исто така, претходно треба да е добро измиено. Делот со корењата (брадичката), средишниот бел дел од стракот и околу 5 см од зелениот дел треба да биде во едно парче.
Потоа шишето се дополнува со газирана вода и се затвора со капачето. Шишето се протресува и се остава на ладно 24 часа. Во меѓувреме 5-6 пати шишето треба да се протресе за да може водата да ферментира.
Најдобро би било ова да се приготви наутро, за да може со пиење да се отпочне од следното утро. Нема определена доза, може да се пие целата течност наместо вода во текот на денот.
Оваа една доза е доволна за 24 часа. За следниот ден се приготвува нова доза, а целата терапија трае еден месец. После еден месец се прави пауза од 7 дена, се проверува шеќерот во кр-вта, па доколку имате потреба се повторува уште еднаш. Празот не се фрла, се јаде како салата.
