Во рецептот се спомнуваат мерки во шолја и шолјичка. Една шолја е од 200 мл, а една шолјичка е од 100 мл. Рецептот е многу едноставен, а пиперките приготвени на овој начин излегуваат премну вкусни. Сите ќе ви го бараат рецептот.
Потребни состојки: 5 кг црвени меснати пиперки 5 шолјички масло, 2 шолјички сол, 2 шолјички шеќер, 1 шолја есенција, 2-3 главици лук, ½ кесичка црн пипер во зрно и по желба некоја лута пиперка.
Постапка: Пиперките добро измијте ги, извадете им ги дршките и семето, па редете ги по ширина во еден поголем сад.
Секој ред наросувајте го со сол, шеќер, есенција и масло и така оставете ги поклопени да отстојат неколку часови. Ако ги исечете на долги парчиња – филети, ќе им биде потребно помалку време за саламурење.
Повремено пиперките добро промешувајте ги за да може декоја пиперка рамномерно да биде опфатена од оваа мешавина.
Пиперките или филетите редете ги во добро измиени и стерилизирани тегли, а помеѓу редете бел лук и лист од целер, по желба.
Наполнетите тегли дополнете ги со течноста која ја испуштиле пиперките и добро затворете ги со оригинални капаци, па наредете ги со останатата зимница.
Коментар на Сузана Коцевска: “Филот се става во самата пиперка, се реди во тенџере и со друго тенџере одозгора се притиска и се остава еден ден. Следниот ден се собира во тегли и се притискаат, помеѓу се става магдонос, лук и на лреј се прелива течноста. прекрасни се.”
Коментар на Зорица Стефанова:”Најдобри и испробани за 5 кг зеленчук: 1 литар бел оцет, 400 г шеќер, 100 г сол, 120 мл масло – се става да зоврие, па во него се пропуштаат пиперките претходно исчистен од семето, колку да смени боја, па се реди во тегла. Се додава лук и магдонос по желба и салицил, одозгора се полева со врелиот прелив и се затвора. Во него може да се додава и модар патлињан исечен по должина. Наздравје, ги правиме веќе 50 години”.
Коментар на Sanela Turkovic Tutic: “Јас ги ставам на друг начин, ги чистам од семе и дршка, па секоја пиперка ја подмастувам и ги редам во тепсија и во рерна малку да се загреат. На страна во тенџере ставам оцет, масло, сол и шеќер да изврие, па после во тегли врели ги редам и ставам магдонос, лук од сè по малку и водата со оцетот и стака до крај ги полнам и ги затворам екстра се тврди, крцкави пиперките и долго можат да стојат”.
