Целиот колач е кремаст, едноставно се топи во уста, прекрасно освежување…
Потребни состојки:
250 г бисквити за подлога
за бел фил:
1 литар млеко
5 големи лажици шеќер
7 до врв полни лажици гриз
2 ванилин шеќер бурбон
4 белки
За жолт фил:
1 литар млеко
2 пудинг од ванила
6 големи лажици шеќер
4 жолчки
500 мл слатка павлака за шлаг или 3 шлаг пени изматени со вода
Постапка:
Во тепсија со величина од околу 35х20 см наредете бисквити како подлога. Од величината на тепсијата зависи и бројот на бисквити, па доколку се одлучите за поголема тепсија, онаа од рерната, ќе ви бидат потребни повеќе бисквити, а колачот ќе биде потенок.
Во литар млеко сварете го гризот со 3 лажици шеќер. На страна изматете цврст снег од белки и 2 лажици шеќер, па додадете го со матење во врелиот гриз. Кремот од гриз излејте го врз бисквитите.
Во вториот литар млеко сварете го пудингот кој преходно сте го изматиле со малку млеко, шеќер и жолчки. Врелиот пудинг излејте го врз гризот.
Кога ќе излади премачкајте со шлаг по ваш избор. Одозгора декорирајте со рендано чоколадо или шарени трошки. Изладете во замрзнувач пред послужување, а за секојдневна употреба не мора да го украсувате колачот. Превкусен е!
