Сигурно некогаш во животот сте слушнале или прочитале за Кегеловите вежби. За сите дами кои досега не се запознале со нивното ефикасно делување:
Изумителот на прочуените Кегелови вежби е гинекологот и акушер Арнолд Кегел. Имено, овие вежби првобитно се осмислени да го запрат неконтролираното мокрење, но бидејќи жените започнале да доживуваат оргазам и имале многу подобар сексуален живот, започнале масовно да ги применуваат.
Кегеловите вежби имаат за цел да ги зајакнат мускулите на дното од карлицата и со тоа да предизвикаат подобра контрола врз мочниот меур.
Само неколку минути од овие вежби дневно, може значително да ги подобрат симптомите од неконтролираното мокрење.
Покрај тоа, се користат и за засилување на сексуалната моќ, како кај жените, така и кај мажите. Најдобро од се’ е што можете да ги правите во секој миг и на секое место, па затоа, немате изговор дека немате доволно време за нив.
Кегеловите вежби природно се користат за запирање на неконтролирано мокрење. Сепак, не се препорачува да го започнувате па да го запирате текот на урината за да го вежбате Кегел, бидејќи тоа може да предизвика одлив а потоа и инфекција на уринарниот тракт.
Некои експерти предлагаат само еднаш да го прекинете мокрењето, за да почувствувате која група мускули треба да ги вежбате. Сепак, најдобро е жените да побараат помош од гинеколог кој најдобро ќе им објасни што треба да прават.
Имено, лекарот става два прсти во вагината на пациентката и и’ објаснува дека треба да контрахира, исто како да го прекинува мокрењето. Тој тогаш ќе почувствува дали ја стегате вистинската група мускули.
Подоцна, може да ја повторите истата постапка сами, или уште подобро со партнерот се додека чувството во дното на карлицата да стане природен.
Пред Кегеловите вежби испразнете ја бешиката. Вежбањето на пат исто така може да предизвика уринарна инфекција.
Потоа стегнете ги карличните мускули околу 10 секунди, па опуштете ги (прво обидете се во лежечка положба, а потоа можете и седејќи и стоејќи).
Вежбата повторувајте ја 10 пати, петпати дневно. Бројот на повторувања постепено зголемувајте ги, никако нагло, бидејќи може да предизвикате привремено влошување на симптомите на инконтиненција.
Бидете внимателни да не ги контрахирате мускулите на нозете, стомакот или задникот во текот на вежбата, бидејќи тој процес ќе го направите помалку ефикасен.
Изведување:
Контрахирајте ги пелвичните мускули 5 секунди. За почеток е доволно време за контракција, а ако сте почетник може да започнете и со 2-3 секунди задршка.
Опуштете ги пелвичните мускули 10 секунди. Идеално е да направите пауза за одмор од 10 секунди за мускулите пред повторно да започнете со акција.
Повторете ја постапката 10 пати. Оваа бројка се смета како еден Кегел сет. Можете да правите 3-4 сетови на ден, но не и повеќе.
Секоја седмица можете да правите прогресија на контракцијата и да се движите кон задршка од 10 секунди. Кога ќе стигнете до идеалниот однос 10 со 10 секунди, продолжете да ги правите 3-4 пати на ден.
3. Најдобри резултати ќе имате ако ги изведувате Кегеловите вежби 3-4 пати на ден. Гледајте некако да ги инкорпорирате во вашето секојдневие на пример првиот дел наутро, потоа на пладне, попладне и навечер, но не мора со точно одреден тајминг.
Вметнете ги Кегеловите вежби во вашето секојдневие. Она што е добро за овие вежби е тоа што никој не може да ве забележи додека ги изведувате.
Тоа значи дека можете да си ја исполните рутината било каде, на работа, на ручек или на вашиот тросед додека гледате ТВ.
Иако во почетокот ќе ви биде потешко додека се фокусирате на овие мускули и додека ги совладате (обично во лежечка позиција), понатаму навистина ќе можете да ги изведувате секаде.
Очекувајте резултати по неколку месеци доколку ги изведувате редовно. За некои жени резултатите се драматични. Некои жени се фрустрираат што нема да забележат разлика по неколку седмици, но треба да бидете доволно истрајни за да ги почувствувате првите резултати што се јавуваат по 4-6 седмици.
Побарајте помош ако сметате дека не ги изведувате правилно вежбите. Доколку ги изведувате вежбите неколку месеци и не забележувате никаква разлика тогаш обратете се кај вашиот гинеколог.
Некои доктори имаат опрема која што може да ја детектира цврстината на пелвичните мускули и со електростимулација да ви помогне да ги почувствувате.
Изведувајте ги овие вежби во континуитет доколку сакате трајни резултати. Бидејќи ако прекинете со рутината, мускулите ќе ја изгубат својата цврстина дури и по еден месец пауза, а проблемите ќе се повторат.
