Пудинг торта со плазма и крем
Оваа торта е вистински десертен рај, совршен спој на крцкава кора од белki, богат крем со плазма и кремаста чоколадна нота.
Овој рецепт ќе ги воодушеви сите љубители на слатки, а со можност за замена на чоколадниот крем со бел, тортата е прилагодлива за сечиј вкус. Подгответе ја и уживајте во секој залак, пишува НМД. Еве што ви е потребно:
Потребни состојки
За кора:
– 10 беланца
– 400 г шеќер
– 1 лажица оцет
– НМД
За фил:
– 10 жолчки
– 12 лажици шеќер
– 6 лажици брашно
– 1 л млеко
– 1 маргарин или путер
– 150 г мелена или сечкана плазма
– 200 г чоколадо (голд линолада)
– 200 г шлаг-крем
Постапка
1. За подготовка на кората, изматете ги белките со постепено додавање на шеќерот околу 15 минути, додека да се добие цврста пена. Кон крајот, додајте една лажица оцет и продолжете со матење уште 3 до 4 минути.
2. Смесата распоредете ја рамномерно во плех од рерна, обложен со хартија за печење. Печете на 150 °C 45 минути, а потоа намалете ја температурата на 120 °C и печете уште еден час.
3. Откако кората ќе се излади, пресечете ја на два еднакви дела за да добиете две кори.
4. За филот, изматете ги жолчките со шеќерот, додајте го брашното и разредете ја смесата со малку ладно млеко.
Останатото млеко загрејте го и во него, со постојано мешање, додајте ја смесата со жолчки. Варете на тивок оган додека да се згусне.
5. Откако филот ќе се излади, додајте маргарин или путер и добро изматете. Во филот додајте пет полни лажици изматен шлаг-крем и поделете го на два еднакви дела.
6. Во едниот дел од филот додајте мелена или сечкана плазма, а во другиот дел измешајте ја чоколадата.
7. За составување на тортата, редете по овој редослед: првата кора, филот со плазма, втората кора, филот со чоколадото, а на крај премачкајте со преостанатиот шлаг-крем.
Сервирајте ја тортата разладена и уживајте во нејзиниот богат вкус! Рецепт на dolce.ssegreto.
https://www.instagram.com/p/DMAWbRwoq4r/?utm_source=ig_web_button_share_sheet
