Фото и рецепт: Анита Стојановска
Потребни состојки:
1 шолја (200 мл) млака вода
1 шолја јогурт
1 белка од јајце
1/2 шолја масло
1 сув квасец
500 г брашно +-
1 лажиче сол
1 лажиче шеќер
за фил:
200 г спанаќ обарен и исечкан +-
200 г ајвар +-
200 г сирење издробено и помешано со малку кисела павлака +-
Постапка:
За замесување на тестото се користи една шолја од 200 мл млака вода, една шолја јогурт, една белка, половина шолја масло, малку сол, малку шеќер, 1 сув квасец и околу половина кг брашно.
Се замесува убаво тесто и се остава да стаса.
Тестото се дели на 4 дела, а од секој се формира топка и кора. Три кори се филуваат со спанаќ, со ајвар и сирење, а на последната не се става ништо.
Се остава така малку да одмори да се сучи правоаголна кора. Се сечат ленти (6) и малку се засучуваат во спирали за да бидат шарени.
Се редат во плех обложен со хартија. Се остава малку да надојде питата па се пече во загреана рерна на 200-220 степени во зависност од рерната додека да зарумени.
Фото и рецепт: Анита Стојановска
