Надуеноста на стомакот во менопауза е тегоба со која се соочуваат многу жени – еве како природно да се ослободите од неа!
Надуеноста е тегоба со која се соочуваат многу луѓе, а причините можат да бидат различни – неправилна исхрана, храна која предизвикува надуеност, недостаток на активност, брзо консумирање храна, стрес, нетолеранција на одредена храна итн.
Сепак, хормоните можат да играат улога и кога станува збор за надуеност, поради што многу жени се чувствуваат подуени за време на менопаузата.
Естрогенот и прогестеронот се двата основни женски полови хормони, а овие нивоа варираат како што влегувате во менопауза, што може да предизвика некои несакани ефекти во телото.
„Премалку или премногу прогестерон дефинитивно може да предизвика жената да се чувствува надуено“, објасни д-р Венди Трубоу.
„Вообичаено, кога жената влегува во менопауза, надуеноста се јавува поради ниските нивоа на прогестерон, па затоа препорачуваме да ги проверите вашите нивоа“, додаде таа.
Секоја нерамнотежа и промена на хормоните може да влијае на здравјето.
ОД ТИРОИДЕАТА СÈ ЗАПОЧНУВА…Хормоните и претераната дебелина (природен лек-рецепт)
„Првично, намалувањето и прекинот на овулацијата доведува до намалување на прогестеронот, што е проследено со флуктуации на нивото на естроген и на крајот до намалување на естрогенот под прагот потребен за менструација“, вели гинекологот Еден Фромберг.
Како резултат на тоа, вишокот течност може да се задржи во телото, што доведува до надуеност.
Постојат неколку методи кои можат да го намалат чувството на надуеност во менопаузата, како и да поттикнат елиминација на вишокот вода – сето тоа на природен начин:
1. Пијте многу вода – Ако вашето тело задржува вода, тоа може да биде знак дека треба да пиете повеќе вода, а не помалку. „Важен е внесот на течности, а ограничувањето на течности не го решава задржувањето на течности.
Всушност, ограничувањето на течности влијае на варењето, што дополнително ја влошува надуеноста“, забележува Фромберг.
2. Повнимателен пристап кон исхраната – „Преработена, ладна храна, храна која создава гасови, мрсна храна, глутен и храна која содржи шеќер, слатки и рафинирани јаглехидрати може да придонесат за надуеност.
Цревниот микробиом се состои од имунолошки чувствителни организми кои ги обложуваат нашите тенко и дебело црево, а тоа се есенцијални микроби кои се особено чувствителни на шеќер, слатки и рафинирани јаглехидрати“, објаснува Фромберг.
Можете да ги намалите слатките и преработените грицки и да ги замените со состојки богати со пробиотици како јогурт, ферментирана храна како кимчи, па дури и кисела зелка.
3. Земање пробиотици – Покрај јадењето храна богата со пробиотици, земањето наменски додаток е уште еден начин да му го дадете на вашето црево она што му треба.
4. Намалете го стресот – Стресот исто така може да игра улога во надуеноста, а управувањето со чувството на преоптоварување од ден на ден ќе влијае на вашето целокупно здравје.
„Јајниците се снабдуваат со крв и нерви од надбубрежните жлезди, а овие ендокрини структури се хормонски и структурно чувствителни на процесите на едни со други.
„На почетокот на менопаузата, надбубрежните жлезди можат да станат почувствителни на стрес поради недостатокот на „поддршка“ од јајниците“, вели Фромберг.
Редовното вежбање, добар сон, вежби за дишење, одмор и опоравување се одлични методи за ослободување од стресот и одржување на добро здравје.
Иако повремената надуеност е сосема нормална, ако продолѓува дури и откако ќе направите здрави промени во животниот стил, можеби е добра идеја да се консултирате со вашиот лекар за други опции за третман.
За повеќе корисни совети за здравјето заследете ја NMD.mk, лајкнете ја и споделете ја нашата страница. Следно прочитајте: „ПОДУЕН ВИ Е СТОМАКОТ И ОТЕЧЕНИ ВИ СЕ РАЦЕТЕ ИЛИ НОЗЕТЕ: Нормално е, но непријатно – направете го ова“:
ПОДУЕН ВИ Е СТОМАКОТ И ОТЕЧЕНИ ВИ СЕ РАЦЕТЕ ИЛИ НОЗЕТЕ: Нормално е, но непријатно – направете го ова
