Вазелинот се користи повеќе од 150 години, а некогаш бил незаменлив во домаќинството. Многумина не знаат во кои ситуации би можеле да го исккористат вазелинот и колку е тој ефикасен.
1. Долготраен мирис на парфем
Пред да го испрскате омилениот парфем, нанесете малку вазелин на местото што ќе го испрскате. Парфемот нема да испари толку брзо како претходно.
2. Совршени веѓи
Доколку имате „нескротливи“ веѓи, односно влакна кои постојано се поместуваат од утврденото и ги прават веѓите бушави, намачкајте на нив многу тенок слој вазелин и веѓите ќе станат „послушни“.
3. Испукани усни
Вазелинот е еден од најдобрите хидратантни средства, па можете слободно да го користите како „лабело“. Вашите усни ќе бидат негувани, хидрирани и сензуални.
4. Убави долги трепки
Доколку сакате трепките да ви бидат долги и негувани, користете стара четка за маскара која претходно сте ја измиле од трагите на старата маскара и нанесете тенок слој вазелин на трепките. Повторете ја оваа постапка неколку дена по ред, промената е загарантирана.
Забелешка: прво отстранете ја шминката од очите.
5. Ја потрошивте целата шминка
Се подготвувате за излегување, но заборавивте дека го потрошивте омилениот кармин или сенка за очи. Измешајте ги преостанатите трошки од шминката со малку вазелин и нанесете на лицето, никој нема да ја забележи разликата.
6. Меки стапала
Вазелинот е одличен за нега на испукана кожа воопшто, а доколку го имате овој проблем со кожата на стапалата, вазелинот е вистинското решение за вас. Совет е да носите чорапи после нанесувањето за да остане на кожата што е можно подолго.
7. За отстранување на шминката
Доколку имате чувствителна кожа и реагирате на средства за отстранување шминка, вазелинот е вистинското решение за вас. Овој производ не само што нема да ви предизвика реакција, туку е одличен и за вадење шминка која не се вади така лесно.
8. После депилација
Кожата ви е црвена и иритирана по депилацијата, намачкајте го иритираниот дел со вазелин и оставете го да се впие. Црвенилото ќе исчезне многу брзо.
9. „Распукани“/„расцветани краеви
Ако вашата коса е подготвена за потстрижување, а ја оставате да расте и не сакате да ја менувате должината, вазелинот е решението. Намачкајте ги краевите со малку вазелин, кој навидум ќе ги покрие расцепените врвови додека не сте подготвени за нова фризура.
10. Дамки од шминка
Случајно сте ја офарбале облеката со кармин. Нанесете малку вазелин на дамката и истријте ја, дамката веднаш ќе исчезне.
11. Дамки од фарба за коса
Се офарбавте, но и половина од лицето го обоивте во новата боја за коса. Нанесете малку вазелин на извалканите места и нежно тријте додека да се отстране бојата.
12. Ставање обетки
Ако понекогаш ве боли ставањето и вадењето на обетките, намачкајте ги дупчињата со малку вазелин и болката ќе помине.
13. Против брчки
Со помош на вазелин можете сами да направите фантастичен крем против брчки користејќи го овој рецепт:
Земете: 1 лажица бадемово или маслиново масло; 1 жолчка од јајце; 1 лажичка мед; 2 лажички аптекарски вазелин. Измешајте сè, ставете го во тегла и чувајте го во фрижидер. Нанесете по потреба на исчистено лице.
За што друго се користи вазелинот?
Вазелинот го спречува оштетувањето на кожата предизвикано од ветрот, ја ублажува псоријазата, алергиите на кожата, треските, егземите, хемороидите, ги отстранува вошките, се користи како интимен лубрикант (тоа сигурно го знаете), за третман на венерични кожни болести, спречува крвавење од носот и може да се користи и за да се спречи вдишување на полен од воздухот ако се нанесува на ноздрите.
Може да се користи како заштитно средство при бојадисување, така што бојата, лакот, маснотиите или маслото не допираат до кожата или до чувствителна работна површина. Може да се користи за отстранување на гума за џвакање од косата, отстранување на премногу тесни прстени од прст или отстранување на шминката.
