Д-р Мајкл претстави ефикасен начин за ослободување од болката во петата со помош на лажица и тениско топче. Ништо нема да ве чини да пробате, а ефектот е испробан и делотворен. Многумина во коментарите под видеото на д-р Мајкл рекоа дека овој начин го испробале и навистина функционира.
„Сите вежби можат да се изведуваат во домашни услови, се прават лесно и многу се ефикасни, а олеснителна околност е што не ви е потребна специјална опрема“, вели д-р Мајкл, а дел од коментарите под видеото се овие:
„Имав болка во петите неколку месеци и не можев да одам без чевли. Откога го изгледав видеото, не очекував да имам некое олеснување. Ги направив вежбите синоќа, користејќи лажица и масажи и ова утро се разбудив без болки. Ќе продолжам да ги правам вежбите и се надевам дека ќе се чувствувам многу подобро.“
„Мајкл, ти ви вистински спасител. Патам од плантарен фасцитис и артритис. Имам испробано сѐ, од ортопедски чевли и многу вежби за истегање, но ништо не е делотворно како ова. Болката е намалена за 95%. Ти благодарам.“
ПРВА ВЕЖБА ЗА ПЛАНТАРНАТА СТРАНА НА СТАПАЛОТО: Ова ќе биде вашата омилена вежба. Потребна ви е добра мазилка-масло, како кокосово масло или лосион за масажа. Ќе ви биде потребна и голема, метална лажица. Техниката се изведува во неколку серии, почнувајќи од масажа на петата, па средишниот дел на стапалото, па табаните и на крај се завршува со масажа на задната страна на потколеницата.
Намачкајте го стапалото со масло, а потоа со дршката на лажицата (свртена странично), лесно лизгајте од задниот дел на петата, накај прстите. Прво опфатете ја само петата. Оваа техника всушност треба да ви биде пријатна и да не ви предизвикува иритација или болка.
Нежно лизгајте ја лажицата преку целата пета и повторете ја постапката петпати. Оваа техника се изведува од едниот крај на ногата, кон другиот. Посветете се повеќе на оние места на петата или ногата каде што болката е поголема. Доколку болката се шири кон прстите и средишниот дел на стапалото, повторете ја истата постапка и на тие места.
Ако техниката ја применувате кон средишниот дел на стапалото, ќе забележите дека се формира мало црвенило како топчиња. Ова е всушност зголемениот проток на крв и помага во лекување на болката. Доколку на некои места чувствувате дека лажицата потешко се движи и местото е потврдо, веројатно се работи за атхезија. На овие места применете поголем притисок и повторете ја постапката со лажицата неколкупати.
Истото повторете го и на табаните, особено на местата кои се чувствуваат постегнати. Кога ќе ја измасирате долната страна на стапалото, преминете на горната страна, но овојпат не применувајте толку голем притисок. Не притискајте на местата каде коските се испапчени, како скочниот зглоб и странично од палецот.
Вежбата применете ја и од задната страна на потколеницата, така што стапалото ќе биде во позиција на супинација (потпрено на пета, а прстите и средишниот дел не допираат на подлогата и се подигнати) и потоа повторете во пронација (стапалото е насочено кон надолу).
ВТОРА ВЕЖБА СО ТЕНИСКО ТОПЧЕ: Ова е мојата омилена вежба. Многу е лесна и ефективна. За оваа вежба ќе ви биде потребно едно тениско топче, а доколку немате тениско топче, наполнете едно шише со вода или користете завиткан пешкир. Застанете покрај врата или некоја друга потпора.
Згазнете врз топчето со средишниот дел на стапалото, така што петата ќе држи стабилност на подлогата, а прстите ќе бидат нагоре. Со тежината на телото ослонете се на оваа нога, додека да почувствувате пријатно затегање. Палецот потпрете го на врата или ѕид, а коленото флектирајте го кон вратата или ѕидот.
На овој начин, стапалото ќе се истегне многу, така што обидете се да затегате колку повеќе можете (доволно е секоја серија да трае 20 секунди, а се прават вкупно 5 серии), додека со тежината од телото се ослонувате врз топчето.
ТРЕТА ВЕЖБА ЗА ПЛАНТАРНАТА СТРАНА ОД СТАПАЛОТО: Наместете се во позиција како за првата вежба. Седнете и свиткајте ја ногата, така што плантарната страна ќе биде свртена кон вас. Со едната рака фатете на горниот преклоп помеѓу скочниот зглоб, а со другата страна фатете под раката.
Истегајте го стапалото така што рацете ќе се движат во спротивни насоки една од друга. Оваа вежба се изведува по неколку секунди и е поделена на три дела, како првата: од петата, кон средишниот дел на стапалото, прстите и табаните. На местата кои чувствувате поголем притисок повторете ја вежбата повеќепати.
Втор чекор за оваа вежба е да ја опфатите ногата и со јаболчниците од палецот притискајте на плантарната страна од стапалото со благ или среден притисок, почнувајќи од едниот крај на стапалото кон другиот. На овој начин ќе се ослободите од тензијата во стапалата. Деталите за оваа техника погледнете ги во видеото подолу, бидејќи вежбата може да се изведува на повеќе начини.
ЧЕТВРТА ВЕЖБА ЗА ИСТЕГНУВАЊЕ НА ПЛАНТАРНАТА ФАСЦИЈА: Во стоечка положба под стапалото ставете завиткан пешкир на средишниот дел од стапалото, а прстите нека бидат во елевација. Другата нога нека биде во исчекор. Направете притисок на ногата така што со тежината од телото ќе се ослоните на ногата, а со телото ќе се движите нанапред (може да се придржувате на ѕид).
Вториот начин е да ги ставите прстите на пешкирот, а со петата да се подигнете целосно, сосе другата нога. Задржете се во оваа положба 15 секунди и повторете 5 пати. Како за крај, подгответе си шише со замрзната вода и лизгајте го под стапалото околу 5 минути. Деталите погледнете ги ОВДЕ.
