Потребни состојки:
500 г брашно +-
1 коцка квасец
1 лажичка шеќер
1 лажичка сол
100 мл вода
200 мл млеко
100 мл маслиново масло
1 јајце
Фил:
300 г сирење
2 јајца
1 лажичка сол
За премачкување:
1 јајце
Дусам и ким за премачкување
Постапка:
Во брашното додадете сол, шеќер и издробен квасец. Потоа јајце вода, млеко и маслиново масло. Замесете тесто, покријте го со крпа и оставете на собна температура да се удвои. Надојденото тесто премесете го и од него правете мали топчиња.
За величината на топчињата одлучете сами, поголеми топчиња – поголеми кифлички.
Секое топче исукајте го со оклагија, па засечете на неколку места до половина.
Филувајте со приготвениот фил и свиткајте кифла.
Засечените делови благо свиткајте ги во спирала и свиткајте околу кифлата.
Постапката повторете ја додека да го потрошете целото тесто и фил.
Секоја кифличка малку свиткајте ја и редете во тепсија обложена со хартија за печење.
Кифличките свиткајте ги: едната на страна а другата спротивно како да “гледаат” една во друга. Помеѓу кифличките оставете малку растојание за да се спојат во текот на печењето и да добиете ПАР.
Премачкајте ги кифличките со изматено јајце, поросете сусам, ким и малку алева пиперка.
Печете во загреана рерна додека да заруменат.
