Вкусен и брз ручек – пиперки полнети со тиквички и сирење

За себе си своето семејство пригответе го овој лесен и вкусен ручек. Брз е и едноставен, без масло, а исклучително вкусен.

Потребни состојки:

1 тиквичка (300-350 г)
4-5 пиперки
2 јајца
200 г ситно сирење
1 лажица кисела павлака (20% мм)
50 г сувомеснато по ваш избор
сол, црн пипер по вкус
1 лажичка оригано
70-100 г кашкавал

Постапка:

Една тиквичка (300-350 г) убаво измијте ја и излупете ја, а потоа изрендајте ја. Посолете ја малку и оставете ја 10-тина минути да го отпушти сокот.

Loading...

Пиперките (4-5 парчиња) измијте ги убаво па пресечете ги надолжно на половина и исчистете ги од семките. Во еден подлабок сад измешајте 2 јајца, 200 г ситно сирење, 1 лажица кисела павлака со повисок процент на млечни масти (20%), па убаво соединете.

Ситно исечкајте околу 50 г сувомеснато, но доколку не сакате, не е задолжително, па зачинете со црн пипер, оригано и ако е потребно посолете. Доколку сирењето е солено, а и тиквичките се веќе солени, тогаш нема потреба од додавање на сол.

Ренданите тиквички цедете ги убаво со раце и додавајте ги во приготвената смеса. Промешајте убаво да се соединат состојките.

Плегот во кој ќе се печат пиперките намастете го со малку масло, па наредете ги исечените пиперки. Потоа полнете ги со 2-3 лажици од приготвената смеса.

Ставете да се печат во претходно загреана рерна на 200 степени, околу 20 минути. После половина час извадете ги од рерна и наросете ги со 70-100 г рендан кашкавал.

Може и без кашкавал, но вака се повкусни. Вратете ги во рерна да се допечат уште 10-15 минути. Деталите од постапката можете да ги погледнете во видеото:

Loading...