Веќе стана хит а јагодите само што започнаа: Пита со јагоди!

Потребни состојки:

300 г лиснато тесто

125 г крем сирење или свежо сирење

50 г шеќер во прав

250 г јагоди

1 лажичка ванилин екстракт

и уште:

1 помало јајце

1 лажичка шеќер

Постапка:

Вклучете ја рерната да се загрева на 200 степени додека вие ја приготвувате питата.

Јагодите измијте ги, исушете ги и исечкајте ги на листови, во зависност од големина, на половинки или на 4 ливчиња или повеќе, сами одредете.

Крем сирењето на собна температура изматете го со шеќер во прав, додадете ванила и соединете убаво.

Лиснатото тесто отворете го (по желба можете да го направите и сами, но јас немав време и користев купечко кое претходно го оставив во фрижидер да се одмрзне). На средината од тестото нанесете го филот и ставете ги јагодите, а од двете страни тестото сечете го на ленти.

Горниот и долниот сел оставете ги поголеми со кои ќе ги преклопите јагодите, така да не ви истекува филот, а исечетените ленти преклопувајте ги една врз друга, малку накосо.

Пред да ги преклопите горните ленти, подолгиот дел од тестото преклопете го преку горниот дел од филот и завршете со ленти. Ова правете го колку можете побрзо за да ви остане тестото ладно.

Одозгора премачкајте со изматено јајце, наросете шеќер кристал и печете во претходно загреана рерна околу 25-30 минути или додека убаво да зарумени.

Печената пита оставете да излади, исечете ја на парчиња и наросете со шеќер во прав.

Loading...