Уштипци/пирошки/пишии/полнети мекици со сирење или кашкавал
Прженото тесто е традиционално македонско јадење, кое со својата едноставност и богат вкус го освојува секое непце.
Овие меки, златно испржени топчиња тесто исполнети со сирење или кашкавал се совршени за појадок, ужина или лесна вечера.
Подгответе ги според овој рецепт и уживајте во домашната магија на вкусовите!
ПОТРЕБНИ СОСТОЈКИ:
– 250 мл топла вода
– 10 г сув квасец
– 7 г шеќер
– 100 мл течен јогурт
– 3 лажици масло
– 500 г брашно
– 7 г сол
– 200-300 г кашкавал или сирење (по избор, за полнење)
– 400 мл масло (за пржење)
– НМД
ПОСТАПКА:
1. Во сад со 250 мл топла вода додајте 10 г сув квасец и 7 г шеќер. Промешајте со жица додека шеќерот целосно се растопи.
2. Во смесата додајте 100 мл течен јогурт и 3 лажици масло, па измешајте.
3. Постепено додавајте 500 г брашно и 7 г сол, мешајќи со рака или лажица. Замесете меко и компактно тесто. Покријте го садот со чиста кујнска крпа и оставете го тестото да одмори 5 минути.
4. По одморот, кратко премесете го тестото и вратете го во садот. Покријте го и оставете го да ферментира на топло место 40 минути, додека тестото малку нарасне.
5. По ферментацијата, развлечете го тестото во кора со дебелина од 7 до 10 мм. Со тркалезен сад или чаша вадете кругови од тестото.
6. Во средината на секој круг ставете парче кашкавал или сирење. Преклопете го тестото и затворете го во форма на пирошка, добро притискајќи ги краевите за да не се отвори при пржењето.
7. Подготвените уштипци покријте ги со крпа и оставете ги да одморат 10 минути.
8. Во длабока тава загрејте 400 мл масло на умерена температура. Пржете ги уштипците по неколку минути од двете страни додека не добијат златно-кафеава боја.
9. Откако ќе се испржат, извадете ги на кујнска хартија за да се исцеди вишокот масло.
Сервирање:
Уштипците послужете ги топли, самостојно или со јогурт, павлака или свежа салата. Уживајте во нивниот неодолив вкус!
Напомена: Количината на сирење или кашкавал може да се прилагоди според вашиот вкус.
За поинтензивен вкус, можете да додадете и малку зачини во филот, како оригано или ситно сечкан магдонос. Постапката погледнете ја видео прилогот ОВДЕ:
