Убав БАНИК со готови кори и сирење

Многу едноставно а превкусно!

Фото и рецепт: Блага Јованова

Потребни состојки:

1 пакување готови кори, се делат по три кори за еден ролат

За активирање на квасецот:

300 мл млеко
1 лажиче шеќер
1 коцка квасец
4 големи лажици брашно

За прелив:

Кашата со активираниот квасец
200 мл масло
4 лажици брашно

За фил:

400-500 г дробено сирење
2 белки

За наросување:

2 жолчки
Сусам

Постапка:

Прво поделете ги корите по три на секое купче, за да знаете и филот на колку дела да го поделите.

БАНИК (фото и рецепт: Блага Јованова)

Затоплете 300 мл млеко, да биде млако, па во него растворете 1 коцка свеж квасец, 1 лажича шеќер и 4 големи лажици брашно. Убаво промешајте да се изедначи кашата и оставете на топло 10-15-тина минути за да се активира квасецот.

Потоа додадете 200 мл масло и уште 4 лажици брашно.

БАНИК (фото и рецепт: Блага Јованова)

Се редат три кори: првата се попрскува со масло, втората се премачкува со кашата, а врз третата се реди издробеното сирење помешано со две белки. Се витка како ролат и се реди во намастен плех и обложен со хартија. Вака се постапува со сите кори.

БАНИК (фото и рецепт: Блага Јованова)

Одозгора се премачкува со жолчка и сусам, се остава да одмори околу половина час, па се пече во загреана рерна на 200 степени околу 35-40 минути.

БАНИК (фото и рецепт: Блага Јованова)

Фото и рецепт: Блага Јованова

Loading...