Потребни состојки:
1 кг компири
500 г мелено месо
1 цел домат
1 главица кромид
3 чешниња лук
1 фант за ќофтиња
2 јајца
1 шолја течна павлака за готвење, неутрална
По вкус магдонос и морков, црн пипер
Масло и вода
Постапка:
Меленото месо пропржете го на масло и кога ќе пушти свој сок додадете му домат исечкан на коцки. Уште малку пропржете го па додадете изрендан кромид, лук, морков и магдонос.
Фантот пригответе го според упатството. Кога месото е пропржено додадете му фант и 300 мл вода. Сето заедно промешајте го, посолете и зачинете по вкус. Месото нека крчка но нека има течност толку колку да е прекриено месото.
За тоа време вклучете ја рерната на 250 степени. Компирот измијте го и исечкајте го на тенки парчиња. Намастете го и зачинете го.
Огноотпорен подлабок сад или земјена тава, намастете ја па редете: компир, месо и се така…додека да завршите со компир. Поклопете за да не изгори компирот.
Ставете ја мусаката да се пече во загреана рерна околу 45 минути. Кога е речиси готова прелијте ја со смеса од изматени 2 јајца и течна павлака. Вратете да се допече додека да биде готова.
