Сочни мини-крофнички кои се приготвуваат за 10 минути

Рецепт и видео презентација на Мои Домашни Рецепти – крофнички за 10 минути. Многу се вкусни, како што велат – лапни голтни. Може да ги приготвувате како десерт или закуска, а децата ќе ги обожаваат. Еве што ви е потребно за да ги приготвите.

Потребни состојки: 1 јајце, 1 ванилин шеќер, 2 супени лажици шеќер, 100 мл млеко, 10 супени лажици брашно, 10 г прашок за печиво. Уште ќе ви биде потребно длабоко масло за пржење на крофничките, шеќер во прав за наросување одозгора и чоколадо за готвење – растопено како глазура.

Постапка: Во длабок сад за мешање ставете едно јајце, една кесичка ванилин шеќер и 2 супени лажици шеќер. Изматете го пенесто јајцето со помош на жица за матење. Матете додека да се растопи шеќерот.

Во смесата додадете 100 мл млеко, па уште малку промешајте и додадете 10 супени лажици брашно и една кесичка прашок за печиво (10 г). Со маталката изедначете ја смесата. Добро изматете додека да добиете густо тесто.

Во длабоко тенџере загрејте масло да биде со околу 2 см длабочина. Со лажичка црпете од тестото и спуштајте во умерено загреаното масло. Крофничките брзо нараснуваат и заруменуваат. Пржете ги од двете страни и вадете ги со решеткаста лажица.

Одозгора наросете ги со шеќер во прав и топено чоколадо. За кратко време имате многу вкусни мини крофнички исто како оние од ГТЦ. Деталите од целата постапка можете да ја погледнете во видеото ОВДЕ.

Претходна статијаПогачи во вид на ружа, меки како памук, декоративни, совршени за вашата трпеза
Следна статијаЛековити облоги за бели дробови од маст испрана во девет води – како се прави оваа маст и како се користи