Сочен и вкусен колач, а рецептот е многу едноставен, се прави брзо и без мака

Сочен и вкусен колач кој се приготвува многу брзо, рецептот и постапката се многу едноставни, а добивате колач за сите вкусови и сите пригоди.

Потребни состојки:

4 јајца

10 лажици шеќер

10 лажици масло

10 лажици млеко

1 прашок за печиво

10 лажици мелени лешници

10 лажици брашно

За шербет:

400 г шеќер

300 мл вода

Постапка:

Жолчките и шеќерот пенасто изматете ги со миксер, потоа додадете масло и млеко. Промешајте брашно, прашок за печиво и мелени лешници, па додадете ги во таа смеса.

Белките со прстофат сол изматете ги во цврст снег, а потоа полека и внимателно со жица ставете ги во претходно приготвената смеса од жолчки, шеќер и останатите состојки.

Внимавајте смесата да ви остане воздушеста, па излејте ја во плех со средна величина и печете во загреана рерна на 220 степени околу 20 минути.

Шербет:

400 г шеќер и 300 мл вода ставете ба оган да зоврие. Кога ќе зоврие намалете го огнот и оставете да се вари уште 10 минути. Колачот прелијте го со изладениот сируп, па на крај наросете со сечкани лешници.