Потребни состојки:
1 кг брашно
40 г квасец
300 мл млака вода
200 мл кисела вода
100 мл масло
2 лажици шеќер
2 кесички ванилин шеќер
Кора од лимон – рендана
Кора од портокал рендана – многу малку
1 лажичка сол
Длабоко масло за пржење на крофни.
Постапка:
Ставете квасец, лажица шеќер и лажица брашно. Добро измешајте со малку вода и оставете квасецот да се активира.
Потоа во надојдениот квасец додадете масло, вода, кисела вода, шеќер, рендана кора од лимон и портокал, ванилин шеќер. Замесете со брашно. Брашното додавајте го малку по малку и додавајте сол. Завршете го месењето и оставете го тестото да се удвои.
Потоа развлечете го врз побрашнета работна површина, вадете тркалца со чаша и оставете малку да надојдат, околу 10 минути.
Загрејте го маслото, па крофните спуштајте ги со горната страна свртена кон долу. Поклопете и пржете околу една минута, тргнете го капакот и оставете долната страна да порумени. Свртете на другата страна и пржете. Оставете да порумени.
Вадете ги на салветки да се исцедат, поросете со шеќер во прав и послужете со џем.
