Шарен солен ролат…Има доста слични рецепти, но овој е најдобриот!

Потребни состојки:

6 јајца

6 лажици брашно

3  лажици вода

Loading...

3 лажици млеко

1 прашок за печиво

1 лажичка сол

за црвена кора додадете 2 полни лажици ајвар

за зелена кора додадете 500 г одмрзнат спанаќ

за кора со точки додадете 2 полни лажици мак

За фил:

500 г сирење, дробено

1 чаша павлака

300 г шунка, сечкана на листови

300 г сечкани кисели краставички

1 рендано варено јајце

рендан кашкавал по желба

Постапка:

За кора: изматете 6 белки со лажичка сол во цврст снег. Додадете ги жолчките и измешајте добро.

Потоа додадете 3 лажици млеко и 3 лажици вода, промешајте, па 6 лажици брашно со прашокот за печиво. Матете на најмала брзина.

Потоа додадете спанаќ/ајвар/мак.

Плехот обложете со хартија за печење па излејте ја смесата.

Рамномерно развлечете со лажици и малку потчукнете ја тепсијата за да излезат меурчињата со воздух.

Печете на 180 степени како што печете и обичен пандишпан за торта.

Топлиот ролат заедно со хартијата во која се печел свиткајте го и оставете така да излади. Во меѓувреме пригответе го филот.

За фил: Измешајте ги сите состојки, па премачкајте ја изладената кора и наредете ги останатите состојки.

Цврсто свиткајте го ролатот, завиткајте го во проѕирна фолија и оставете го така преку ноќ или неколку часови да отстои во фрижидер.

Loading...