Потребни состојки:
200 г путер/маргарин
100 г шеќер
1 ванилин шеќер
1 јајце
200 мл јогурт
1 прстофат сол
500 г брашно
50 г кокос
1 прашок за печиво
за фил:
600 мл млеко
5 лажици шеќер
2 пудинг од ванила
100 г кокос
за наросување:
шеќер во прав
1 ванилин шеќер
Постапка:
Изматете го путерот со шеќер и ванилин шеќер, додадете едно јајце, па добро изматете.
Додадете јогурт, сол, кокос, брашно и прашок за печиво. Замесете тесто и обликувајте топка која ќе ја оставите да одмора 30 минути.
За тоа време направете го филот: во еден сад ставете 500 мл млеко и 5 лажици шеќер да се готват.
Посебно изматете 2 пудинзи од ванила со 100 мл млеко, додадете во врелото млеко и мешајте постојано додека да згусне.
Потоа додадете 100 г кокос, добро промешајте и тргнете целосно од оган.
Отстојаното тесто поделете го на 3 дела, секој дел развлечете го во кора 24х30 см, премачкајте со топлиот фил и свиткајте во ролат.
Штрудлите редете ги во калап претходно обложен со хартија и печете на 170 степени околу 30 минути.
Печените штрудли наросете ги со шеќер во прав и ванилин шеќер, добро изладете и сечете.
