Многу вкусна пченкарна пита…„Проја како проја, ама овој рецепт најмногу си го сакам!“ Фото и рецепт: Маријана Кузмановиќ
„Кој не правел проја, мора барем еднаш да проба, не може да згреши. Некој ја прави со 2 или 4 јајца, некој со газирана вода, со комбинации од интегрално, бело и пченкарно брашно…
Покрај сирење може да се стави и сечкано суво месо или спанаќ, навистина има безброј комбинации.“ Еве што ви е потребно:
Потребни состојки:
4 јајца
1 лажичка сол
4 шолји јогурт
2 шолји масло
4 шолји пленкарно брашно
2 шолји бело брашно
1 кесичка прашок за печиво
сирење по желба (околу 300-500 г)
Се мери со шолја од 200 мл. Може и да ги преполовите количините за помала тепсија.
Ако ја сакате потенка пројата тогаш користете поголем плех, а доколку ја сакате повисока, тогаш користете калап со средна големина.
Постапка:
Јајцата изматете ги со жица, додајте малку сол, па постепено додавајте ги маслото и јогуртот. Во друг сад измешајте ги двете брашна со прашокот за печиво.
Соединете ги сиите состојки со постепено додавање на сувите состојки во влажните. Додајте го и сирењето издробено на поситни и покрупни парчиња, и посолете по вкус доколку сметате дека сирењето не е доволно солено.
Добиената смеса излејте ја во подготвениот плех (обложен со хартија) и печете во претходно загреана рерна на 200 степени или додека да добие убава златна боја.
Фото и рецепт: Маријана Кузмановиќ
