Многу е убаво печивото, декоративни се, однадвор крцкави а одвнатре меки и кончесто се двојат. Направете ги, знам дека ќе ви се допаднат. Јас ги правев без фил, но вие ако сакате можете да ставите фил по ваша желба.
Потребни состојки:
1 кг брашно +-
1 ½ коцка свеж квасец
2 ½ лажички сол
1 лажичка шеќер
200 мл топла вода
200 мл топло млеко
250 мл масло
2 јајца
1 јајце + малку масло за премачкување
Ако ставате фил намалете во солта, ставете 2 лажички или помалку.
Малку путер или маргарин кој се става на крај врз кифличките, за премачкување.
Постапка:
Во вангла ставете млеко и вода и растворете го квасецот. Додадете сол, шеќер и јајца, промешајте и додавајќи брашно замесете тесто. Оставете го да надојде покриено на топло место. Јас го ставам во рерна на 50 степени и тогаш побро се удвојува.
Надојденото тесто се размесува и се дели на мали топчиња со величина на орев, или малку поголеми, по ваша желба.
Секое топче го развлекуваме овално и го засекуваме 5-6 пати надолжно, но не до крај (види фото).
Лесно ја виткаме кифлата започнувајќи од сечениот крај и добиваме валјак во форма на гасеница.
Ова го правиме со сите топчиња, па гасениците ги редиме во плех обложен со хартија за печење. Ги оставаме да надојдат, а потоа ги премачкуваме со јајце изматено со малку масло.
Се печат на 200 степени додека да добија убава боја околу 30-40 минути.
Пред самиот крај кифличките набрзина ги премачкуваме со путер и ги враќаме назад во рерна уште 4-5 минути.
