Потурен колач со гриз и ореви, штотуку испечен, прелиен со шербет, превкусен!

Имате два рецепти, еден од Славица Георге, а вториот од Родна Трпеска. Првиот колач е со ореви, вториот со гриз, и двата се потурени со шербет. Уживајте во вкусовите!

ПОТУРЕН КОЛАЧ

Фото и рецепт: Славица Георге

Потребни состојки:

4 јајца
10 лажици шеќер
10 лажици масло
10 лажици млеко
1 прашок за печиво
10 лажици мелени ореви
10 лажици брашно

За шербет:

300 г шеќер
250 мл вода

Постапка:

Се матат јајцата и шеќерот и постепено се додаваат останатите состојки. Смесата се истура во тавче бр.28 и се пече на 200 степени околу 20 минути. Топлиот колач се потура со млак шербет и одозгора се наросува со мелени или сечкани ореви.

Фото и рецепт: Славица Георге

ТУРСКИ ПОТУРЕН КОЛАЧ

Фото и рецепт: Родна Трпеска

Потребни состојки:

3 јајца
½ чаша шеќер
1 ванилин шеќер
1 чаша густ јогурт
1 чаша масло
1 чаша гриз
3 полни лажици брашно
1 прашок за печиво
Кора од лимон

За шербет:

1,5 чаша шеќер
1,5 чаша вода
½ лимон – сок

Постапка:

Јајцата се матат со половина чаша шеќер и еден ванилин шеќер. Потоа се додава една чаша густ јогурт, една чаша масло, една чаша гриз, 3 полни лажици брашно, прашок за печиво и рендана кора од лимон. Смесата се излева во тепсија и се пече на 180-200 степени.

За шербет: ставете на оган 1,5 чаша шеќер со исто толку вода и половина цеден лимон, да врие пет минути и се трга на страна да излади.
Потурање: ладен шербет со врел колач.

Фото и рецепт: Родна Трпеска

Loading...