Брз и вкусен семеен оброк со леќа и кисела зелка
Уживајте во хранлив и лесен оброк подготвен за само 30 минути! Овој едноставен рецепт комбинира леќа, кисела зелка и тиква, создавајќи економично јадење без месо, идеално за пост, диета или за оние што сакаат здрава исхрана.
Со замена на путерот со маргарин или растително масло, оброкот е уште полесен и прилагодлив за посни потреби, пишува НМД. Еве што ви е потребно:
Потребни состојки:
– 300 г леќа или хељда (претходно отстојана во вода)
– 250 г тиква
– 250 г кисела зелка
– 1 главица кромид
– 40 г путер (или растително масло за посна верзија)
– 600 мл топла вода
– 0,5 лажичка сол (по вкус)
– црн пипер (по вкус)
– НМД
Постапка:
1. Во тава на среден оган растопете го путерот (или загрејте го растителното масло). Додајте ситно исечкан кромид и пропржете го додека да омекне и добие стаклеста текстура.
2. Додајте ја ситно исечканата кисела зелка и динстајте 7–10 минути, мешајќи повремено.
3. Изрендајте ја тиквата на крупната страна од рендето и додајте ја во тавата со зелката. Динстајте уште 1–2 минути.
4. Зачинете со сол и црн пипер по вкус.
5. Додајте ја добро измиената леќаили хељда и прелијте со 600 мл топла вода. Промешајте и покријте ја тавата (или тенџерето).
6. Гответе на тивок оган 20–25 минути додека леќата ја впие водата и набабри.
7. Промешајте го јадењето и послужете го топло.
Овој оброк е идеален за брз, вкусен и економичен семеен оброк! Постапката погледнете ја во видео прилогот ОВДЕ:
