Фото и рецепт: Анита Стојановска
Потребни состојки:
500 мл вода
500 г шеќер
250 г маргарин
300 г мелени ореви
300 г мелени посни бисквити
100 г толчени ореви
1 чоколадо за готвење за смесата
1 чоколадо за готвење за глазура
+3-4 лажици масло за глазурата
Постапка:
Водата се зоврива со шеќерот и маргаринот, се трга на страна и се додаваат мелените и толчени ореви и мелените бисквити.
Смесата се дели на два дела, а во едниот дел се става едно растопено чоколадо, да се добие кафеав дел.
Тавчето се намастува и прво се реди кафеавиот дел, убаво се натапкува со раце да се израмни. Се става во фрижидер да стегне, па одозгора се става белата смеса и исто се израмнува.
Најодозгора се прелива со чоколадна глазура.
Фото и рецепт: Анита Стојановска
