Фото и рецепт: Вера Черфељ
Потребни состојки:
500 г сирење
250 г путер или маргарин
500 г брашно, јас ставив уште малку
1 јајце
½ прашок за печиво
Постапка:
Сирењето ситно изрендајте го, путерот на собна температура изматете го пенасто, па додајте му ги една по една сите состојки и замесете убаво тесто.
Добиеното тесто завиткајте го во проѕирна фолија и оставете го да одмори во фрижидер, најмалку еден час.
Потоа тестото развлечете го во правоаголна кора, а кората префрлете ја на превртена тепсија. Уште малку развлечете со оклагија.
Одозгора притиснете со решетката од рерна, така да добиете прво надолжни линии, а потоа и коцки, па со остар нож полека исечете ги коцкичките.
Одозгора премачкајте со жолчка, наросете со сусам и ставете на печење во загреана рерна на 200 степени, кратко време додека да заруменат малку.
Погачици на мој начин (Фото и рецепт: Вера Черфељ)
Сличен рецепт за погачици од три состојки можете да погледнете на следното видео:
