Потребни состојки:
- 500 г тенки кори
- 1 кг рендана тиква
- 4 јајца
- 200 г шеќер
- 200 мл масло
- 150 мл млеко
- ½ кесичка прашок за печиво
- 1 кесичка ванилин шеќер
- Рендана кора од лимон
- 1 лажичка вимет
- 4 лажици брашно
Постапка:
Тиквата преполовете ја, извадете ги семките и излупете ја. Исечете помали парчиња за полесно да ја изрендате.
Измешајте со 100 г шеќер и цимет па оставете да отстои додека го приготвувате намазот.
Изматете јајца со шеќер и ванила. Додадете брашно, млеко, масло, прашок за печиво и рендана кора од лимон.
Раширете една кора, премачкајте три лажици намаз, ставете втора кора, па пак намаз па трета кора. Врз неа ставете рендана тиква, свиткајте и наредете на подмачкана тепсија. Така редете се до крајот.
За крај оставете 3 лажици намаз, во него може да додадете малку сок што ќе ви остане од тиквата додека ја рендате.
Премачкајте ги питите, избоцкајте со чепкалка и оставете да отстои половина час. Печете во загреана рерна на 220 степени околу 25-30 минути. Печена оставете ја да излади. Наросете со шеќер во прав.
