Потребни состојки:

3 јајца

100 мл масло

500 г рендани цедени тиквички

1 главица кромид

1 лажица сечкан магдонос

100 г сирење (фета или некое масно сирење)

300 г брашно

1 прашок за печиво

2 лажици кисела павлака

5 лажици гриз

Сол, црн пипер

Постапка:

Тиквичките изрендајте ги, посолете и малку оставете ги па исцедете ги од испуштениот сок.

Кромидот ситно исечкајте го.

Во сад изматете 3 јајца, додадете масло, тиквички, кромид, сечкан магдонос, дробено сирење , кисела павлака, гриз, брашно, прашок за печиво, сол и мелен црн пипер.

Смесата промешајте ја да се изедначи и излејте ја во калап 20х30 претходно намастен и набрашнет, па печете на 180 степени околу 30 минути да пожолти.