Многу вкусна пита која се приготвува со готови кори, одлична за пост на вода.
Потребни состојки:
300 мл доматен сок
500 г печурки
1,5-2 главици кромид
1 страк праз
500 г готови кори
150 г обарени соини снегулки/трошки
сол, црн пипер, босилек или оригано
200 г растителен кашкавал рендан (не мора)
Постапка:
Празот и кромидот исечкајте ги ситно, а печурките на листови.
Во дното на тавата ставете доматен сос колку да се покрие дното, па додадете ги празот, кромидот и печурките.
Гответе на умерена температура. Печурките ќе пуштат течност и заедно ќе се зготви и омекне зеленчукот.
Потоа додадете ги соините трошки, промешајте и динстајте уште 5 минути. Зачинете со сол и црн пипер.
Кога течноста е целосно испарена и малку изладено, во смесата додадете 200 г рендан посен кашкавал, но може и без него.
Тавата од рерна обложете ја со хартија за печење.
Врз една кора наредете фил, па кората свиткајте го како триаголник или како ролат.
Ролатите редете ги во плехот и одозгора премачкајте ги со малку доматен сос.
Рерната загрејте на 200 степени, па намалете на 180 степени, а питата печете ја околу 20 минути.
Печената пита веднаш по вадењето од рерна премачкајте ја со доматен сос измешан со малку босилек. После 5-10 минути можете да ја послужете.
Целата постапка можете да ја погледнете во видеото:
