Пилешки шницли во крцкава обвивка – прсти да излижеш!

Потребни состојки:

700 г бело пилешко месо

4 компири

2 јајца

1 главица кромид

3 чешниња лукче

2 лажици мајонез

2 лажици кисела павлака

3 лажици брашно

2 лажици сечкан магдонос

Сол, црн пипер

Масло

200 мл неутрална павлака за готвење

Ситно сецкан власец или младо кромитче

Постапка:

Белото пилешко месо исечете го на шницли и ако се дебели малку истолчете ги со чекан, па посолете ги и запиперете.

Компирот излупете го и изрендајте го, кромидот и лукот исечкајте ги ситно, па додадете јајце, мајонез, кисела павлака, сечкан магдонос, брашно, сол и црн пипер.

Измешајте добро да се соединат состојките.

Пилешките шницли потопувајте ги во оваа смеса и пржете ги во загреано масло од едната и од другата страна да добие златнокафеава боја.

Вака пржените шницли наредете ги во огноотпорен сад или тепсија, прелијте ги со 200 мл течна павлака и печете ги во рерна на 200 степени околу 10 минути. Одозгора наросете со ситно сечкан власец.

Loading...