Парен колач со кокос, збогатен со оревчиња, многу брзо и лесно приготвување

Фото и рецепт: Даница Данче Стојева

Овој прекрасен сочен колач со кокос и ореви ни го испрати нашата драга Данче Стојева во групата НМД рецепти.

Парен колач со кокос, збогатен со оревчиња од вредните раце на мојата ќерка, превкусен!

Потребни состојки:

Loading...

4 јајца
16 лажици шеќер
16 лажици млеко
16 лажици масло
1 прашок за печиво
100 г кокос
16 лажици брашно

за шербет:

3 филџани (за кафе) шеќер
3 филџани вода
3 лажици какао

Постапка:

Јајцата пенасто се матат со шеќерот додека тој да се растопи. Потоа се додава маслото, се промешува, па се додава млекото и на крај се додаваат сувите и промешани состојки (кокос+брашно+прашок за печиво).

Добиената смеса се излева во намастен и набрашнет плех бр.30 и се пече во загреана рерна на 180 степени.

Печениот колач проверете го со чепкалка дали е готов, па извадете го да излади.

Шербет: Ставете ги шеќерот и водата да зовријат, па додадете го какаото и варете 1-2 минути.

Со врелиот сируп полејте го изладениот колач. Одозгора наросете го со мелени ореви или кокос или нешто по ваша желба.

Пред послужување добро изладете го колачот.

Фото и рецепт: Даница Данче Стојева

Loading...