Овошен ролат со рибизли или бобинки по вкус – толку едноставно а превкусно

Колачот многу брзо и едноставно се приготвува, а многу е вкусен и освежителен. Може да користите какво овошје имате, односно по вкус.

Потребни состојки:

1 јајце
100 г шеќер
1 ванилин шеќер
80 мл масло
200 мл млеко
250 г брашно
1 прашок за печиво
1 прстофат сол
250 г рибизли, боровинки, малини…
шеќер во прав

Постапка:

Во подлабок сад ставете едно јајце со 100 г шеќер и 1 ванилин шеќер, па убаво изматете со миксер додека да побели.

Loading...

Потоа додека сè уште миксате додадете го маслото, па млекото и на крај брашното, прстофат сол и прашок за печиво.

Изматете убаво додека да се соединат состојките, па половина од смесата излејте ја во долгнавест калап за леб , претходно намастен и набрашнет. Одозгора рамномерно распоредете овошје по желба.

Преку него излејте го остатокот од смесата и израмнете. Повторно одозгора распоредете овошје и ставете да се пече во претходно загреана рерна на 180 степени, 45 минути.

Печениот ролат оставете го малку да подизлади, па наросете го со шеќер во прав и сечете го на парчиња. Деталите можете да ги погледнете во видеото:

Loading...