Потребни состојки:

1 кесичка шлаг

150 мл млеко

200 г мелени бисквити

50 г шеќер во прав

50 г чоколадо

За смеса од пудинг:

500 мл млеко

4 лажици шеќер

1 пудинг од ванила

За смеса од шлаг:

2 кесички шлаг од ванила

300 мл млеко

За наросување:

150 г мелени бисквити

За декорација:

1 шлаг и по желба чоколадни бисквити

Постапка:

Изматете го шлагот со млекото. Мелените бисквити измешајте ги со шеќер во прав, додадете во шлагот и соединете со миксер.

Чоколадото растопете го и додадете го во изматената смеса.

Пудинг смеса:

Одвојте малку млеко и во него разматете прашок за пудинг, остатокот од млекото ставете го со шеќерот да проврие.

Потоа додадете ја разматената смеса и со постојано мешање варете додека да згусне.

Шлаг смеса: крем шлагот изматете го со млеко.

На дното од десертната чаша ставете по лажица од чоко-плазмата, потоа две лажици пудинг, па една лажица чоко-плазма, па 1-2 лажици шлаг. Одозгора наросете 1 лажица бисквити.

Декорирајте со шлаг и рендано чоколадо или чоко бисквити.

Изладете пред сервирање.