ОБЛАНДА РОЛАТ СО ОВОШЈЕ: Овој колач секогаш ми е во срцето, сите што го пробаа, ме пофалија

За овој ролат не ви е потребно ниту рерна, ниту дополнително готвење. Сите состојки се мешаат на рака, се премачкува врз 1 лист обланда и се витка. Ете толку е едноставно, а вкусот е неверојатен. Рецептот го имам веќе 10 години и ми го бараат и помладите снаи на моите комшики.




Нема да згрешите доколку го направите, а покрај тоа не ви е потребна посебна вештина и големо искуство во кулинарството. Доволно е да ги имате состојките и со љубов да го направите за дополнително уживање. Еве што ви е потребно:




ПОТРЕБНИ СОСТОЈКИ: 1 лист обланда, 100 г бисквити, 100 г ореви, 100 г суви сливи, 100 г суви смокви, 100 г урми, 100 мл вода, 50 г шеќер, 50 г путер/маргарин, неколку капки рум за вкусна арома (ова е опционално)




ПОСТАПКА: Обландата се става да отстои помеѓу две влажни крпи за да омекне и да не се прекрши при виткање на ролатот. Настрана изблендирајте ги бисквитите додека да се сомелат во прав без поголеми остатоци од нив, а може да користите и плазма.




Бисквитите се тргаат и се ставаат во еден сад, а потоа се блендираат оревите на најситно. Се вадат оревите, па се додаваат сливите и тие се блендираат. Урмите и смоквите не мора сечкаат на ситно, тие не се блендираат бидејќи може да се залепат за блендерот, а и нема да се сомелат целосно во прав, како оревите на пример.




Во едно тенџере ставете ја водата, па во неа додајте го шеќерот и путерот, па додајте неколку капки рум (доколку го сакате неговиот вкус). Малку промешајте и смесата ставете ја на рингла да зоврие со повремено мешање додека целосно да се соединат состојките.




Оревите, бисквитите и сувото овошје се соединуваат заедно во еден подлабок сад и се додава зготвената течност (шербет). Се меша со дрвена лажица додека да се направи убава и густа смеса која се премачкува врз мократа обланда.




Смесата убаво се распоредува одозгора и потоа од подолгиот крај се витка во ролат, полека за да не се скрши обландата. Убаво се затегнува и се витка во алу-фолија, па се става во фрижидер неколку часа додека убаво да се стегне, околу 1-2 часа.




Потоа се сече на помали колачи и се послужува. Деталите од целата постапка можете да ги погледнете во видеото ОВДЕ.

Претходна статијаТОРТА ОД КЕКСИ: Сите состојки измешајте ги во еден сад и обликувајте ја тортата со раце
Следна статијаКОЛАЧ СО ГРИЗ И ЈАБОЛКА: Радоста е голема кога целата куќа мириса на него