Ако ги сакате овие грицки, за да ги сочувате добрите својства во текот на приготвувањето, намалете ја количината на масти и сол. Секако одбегнувајте пакувани и зачинети пуканки, а особено оние кои се наменети за микробранова печка.
ИТАЛИЈАНСКИ ПУКАНКИ
Малку девствено маслиново масло, лук и босилек попрскајте по веќе готовите пукански.
ПИЦА ПУКАНКИ
Во блендер измешајте во паста неколку суви домати, малку путер и лук. Кога пуканките се готови и се’ уште топли, извалкајте ги во пастата, додадете оригано, рендан пармезан и малку сол. Оваа закуска има многу помалку калории отколку пицата.
ЈАПОНСКИ ПУКАНКИ
Во лажичка путер растопете малку васаби паста и прелијте преку благо посолените пуканки.
ЧИЛИ ПУКАНКИ
Лажичка путер, прстофат сол, малку црн пипер или чили во прав – вистинско мексиканско искуство.
ЧОКО ПУКАНКИ
Пуканките прелијте ги со лажичка кокосово масло кое претходно сте го загреале и во него сте ставиле парчиња темно чоколадо. Ако сакате да ги засладите додадете стевија.
ЦИМЕТ
Пуканките прелијте ги со лажичка растопен путер а потоа додадете две лажички шеќер во кој претходно сте измешале лажичка цимет. Циметот содржи висока количина на антиоксиданти и феноли, а помага и при слабеење.
ВАНИЛА И БАДЕМ
Две големи лажици кокосово масло, две големи урми, една лажичка екстракт од ванила, една лажица бадем и лажица вода. Сето сомелете го во блендер па во голем сад измешајте ги тукушто испечените пуканки. Пуканките префрлете ги во сад за печење и печете во рерна 10-тина минути. На секои две минути промешувајте ги. Овие пуканки можете и изладени да ги чувате во затворен сад.
КАРАМЕЛ ПУКАНКИ
Топлите пуканки прелијте ги со топла мешавина од половина шолјичка мед и четвртина шолјичка путер од кикирики. Смесата мора да биде течна…
ЛУТО-СЛАТКО ИЗНЕНАДУВАЊЕ
Пуканките испрскајте ги со растопен путер, малку цимет, кајенска пиперка и незасладено какао во прав.
