Лененото семе изобилува со важни минерали како железо, калциум, натриум и фосфор, со незаситени киселини, како и голем број на протеини и ензими.

Чајот од лененото семе го поттикнува разградувањето на мастите, а богатството од минерали ќе помогне во корист на здраво слабеење.

Еве како да подготвите чај од ленено семе за слабеење.

Редовното консумирање на чајот од ленено семе ќе придонесе вашата кожа да биде мазна и здрава. Најдобро од сè е тоа што ја сочувува нејзината еластичност.

Тоа е успехот кој е потребен после слабеењето – вашата кожа да не виси, туку да остане затегната и цврста колку што е можно повеќе.

Потреби состојки:

1-2 лажички мелено ленено семе (може и цели зрна)

250 мл ладна вода

Подготовка и начин на употреба:

Лененото семе ставете го во шолја со ладната вода.

Оставете го да стои така неколку часа, а потоа ставете го на оган да се вари околу 5 минути.

На крај, процедете ја течноста, а доколку сакате да го подобрите вкусот додајте некои билки. Добро се комбинира со малку нане, дуњи или камилица.

За оптимални резултати и губење на килограмите пијте 2-3 шолји од овој чај.

Првата шолја испијте ја на празен стомак наутро, а останатите половина час пред оброк.

ЛЕНЕНОТО СЕМЕ КАКО ЛЕК ЗА БРОЈНИ БОЛЕСТИ

Лененото семе е еден од најбогатите извори на масни киселини кои ја разредуваат крвта и го намалуваат ризикот од формирање на тромбови.

Во народната медицина се користи како лек против воспаление на слузокожата на устата, желудникот и цревата.

За проблеми со варењето треба да земата по две лажици дневно.

Употреба: Лененото семе треба да го употребувате сомелено бидејќи на тој начин можете да ги искористите неговите лековити својства. Можете да го додавате во салати, житни снегулки, мусли, колачи, леб или печива. Подготвување на чај:

Лененото семе штити од рак, инфаркт, ја обновува цревната флора…Лененото семе е еден од најголемите извори на природна целулоза и незаситени масни киселини омега-3, омега-6 и омега-9, а содржи и 27 различни анти-канцер состојки.

По својата содржина на слуз, ленот се приближува до шумскиот слез. Тој е вистинска ризница на добро здравје бидејќи содржи големи количини на витамин Ф.

Маслото од лен дава одлични резултати во лечењето на сува кожа (го намалува нејзиното прерано стареење), одлично средство против опстипацијата и ги намалува воспаленијата на органите за дишење, варење и органите за мокрење.

Доколку празнењето на фекалиите не е редовно и правилно, може да дојде до нивно таложење и трулење во цревата. Тогаш организмот станува подложен на алергии, добива хроничен замор, пореметен метаболизам, прекумерна тежина, лош изглед на кожата, косата и ноктите.

Затоа, еднаш годишно потребно е да се спроведе следново чистење:

Три недели наместо појадок да се консумира:

1.седмица: 1 лажица смелено ленено семе помешано со 100 мл кефир

2.седмица: 2 лажици смелено ленено семе помешано со 100 мл кефир

3.седмица: 3 лажици смелено ленено семе помешано со 150 мл кефир.

Лененото семе е најдобро да го мелите пред употреба, но ако веќе имате поголема количина смелено семе, тогаш чувајте го во стаклена тегла во фрижидер.

-Треба да се пијат 2-3 литри вода дневно, а најдобри резултати се добиваат ако овој третман се комбинира со медена вода.

Чај од лен:

Чајот од лен помага при кашлање, ревма, менструално крвавење или опстипација. Две лажици издробено ленено семе со една чаша вода варете го десеттина минути, потоа чајот испијте го непроцеден.

Лененото семе корисно е да се консумира наутро на празен стомак, а најдобро е да се комбинира со семки од тиква и сончоглед и една лажица малтекс.

Против камен во уринарен тракт:

Се пие по 1 лажица ленено семе, навечер и наутро измешано со вода или млеко.

Се користи каша од лен која што е добиена од 1-4 лажици ленено семе, кое што отстојало во 1 чаша ладна вода. Повремено се промешува и се остава да отстои 2-3 часа.

Средство за чистење на бубрезите:

Лажица ленено семе се вари со една чаша вода. Течноста во која се варело семето ќе биде доста густа па треба да се разреди со малку вода.

Доколку смесата не е вкусна може да се додаде сок од лимон. Се пие по половина чаша на секои 2 часа во рок од 3 дена.

Бронхитис:

10 г ленено семе се става во стаклена тегла и се прелива со 300 г зовриена вода, па се остава да стои 10 мин и повремено се меша, потоа се процедува. Течноста се зема по ½ чаша во текот на денот.
Средството помага и за бронхитис.

Ангина:

10 г ленено семе се вари во 300 мл вода во емајлиран сад, добро се меша 10 мин., па се процедува.

Течноста се користи за плакнење на грлото неколку пати на ден.

Склероза:

Се зема ленено масло по 1 лажица 2 пати на ден во текот на јадењето 1-1,5 месеци. После 3 седмици циклусот да се повтори.

Младешки акни:

Чај од ленено семе и цвет од камилица се користат како облози: се мелат 4 лажици ленено семе и 1 лажица камилица. Смесата се прелива со мала количина зовриена вода.

Смесата се става со лажица на лицето да се направи слој, лицето се покрива со крпа и се остава да делува 15-20 мин. Потоа лицето се мие со топла вода.