Испробајте го овој одличен рецепт на Ана Ашанин за ароматично компир пире кое одлично одговара како прилог на секое јадење, а може да се послужи и самостојно. Од компир може да се приготват разни јадења, а убедливо најдоброто е компир пирето.

Секоја домаќинка има некоја своја тајна со која успева пирето да го направи кремасто и вкусно, а овојпат Ана Ашанин ни го откри својот трик со кој таа успева да го направи највкусното посно пире.




Ова примамливо пире може да се послужи оладено или на собна температура, како предјадење или прилог за некој вкусен гулаш или риба. Во некои краишта ова пире е познато под името Скордалија, а се прави од компир, ароматичен лук, мелени бадеми и лимонов сок. Еве што ви е потребно:




ПОТРЕБНИ СОСТОЈКИ: 500 г компири (излупени и исечени на коцки), сол, 80 г бланширани бадеми или излупени ореви (да бидат бели), 3-4 чешниња лук или печен лук, 50 мл лимонов сок (или бело вино или јаболков оцет) + 2 лажици, 150 мл маслиново масло, ситно сечкани зелени перца од млад кромид, малку свеж магдонос и кора од лимон за декорација




ПОСТАПКА за варење на компирот: исечкајте го на коцки и ставете го во голема цедлака или длабок сад од кој лесно ќе можете да го процедете, па исперете го со ладна вода, сè додека таа да стане бистра. Потоа префрлете го во тенџере и прелијте со вода, компирот да биде прекриен.




Посолете и оставете да зоврие на најсилна температура. Потоа намалете на средно умерена температура и варете 15-тина минути или додека компирот добро да се свари (времетрањето зависи од големината на коцките). Повторно процедете го и исперете го, но овојпат со врела вода, 30 секунди. Оставете го настрана 5 до 7 минути за да испари вишокот влага (овој чекор е многу важен).




ПОСТАПКА приготвување на паста од лук и бадеми: додека компирот се лади, во садот од процесорот или блендерот измешајте ги бадемите/оревите, лукот, голем прстофат сол и лимонов сок. Вклучете го процесорот и миксајте додека лукот и бадемите да се изедначат во еднолична паста.




Испасирајте го пирето, па започнете да го комбинирате до екстра девственото маслиново масло и пастата од лук и бадеми. Во компир пирето додајте приближно половина од вкупната количина на маслото, малку по малку, добро мешајќи со дрвена лажица.




На ист начин, во неколку наврати додајте ја и пастата од лук и бадеми. Добро промешајте, па додајте го преостанатото маслиново масло, повторно малку по малку, мешајќи со дрвена лажица. Вториот дел од маслото додавајте го по ваш вкус, па доколку ви одговара конзистентноста, не мора да ја ставите целата количина.




Пробајте го вкусот, па ако е потребно додајте уште малку сол, најдобро кошер сол (во снегулки или хималајска сол). Добро промешајте да се соедини. Во овој момент, доколку не ја послужувате веднаш скордалијата, можете да ја оставите да се олади на собна температура, а потоа во фрижидер. Еве како се послужува:




Претурете го сосот од компир пире во декоративен сад, одозгора налијте маслиново масло и наросете ситно сечкан млад кромид, лист од магдонос и рендана кора од лимон. Се послужува топло или на собна температура, или пак, ладно од фрижидер, но не треба да се загрева повторно откако еднаш ќе излади..