Најмекиот ванила-путер колач со пуфкасто тесто

Рецепт и видео прилог на “Аидина кујна” – Најмекиот ванила.путер колач

Вистински колач за љубителите на ванила кремот. Тестото е меко и се меша со лажица, нема потреба од месење, само потребно е добро да стаса. Се украсува со сварен ванила-крем и се пече. Мириса прекрасно, а меко е како сунѓер.

Потребни состојки:

280 мл млеко
20 г свеж квасец
80 г шеќер
80 г путер
2 јајца
½ лажичка сол
480 г брашно
плех 25х35 см

За крем од ванила:

Loading...

15 г нишесте/густин
60 г шеќер
300 мл млеко
30 г путер
1 жолчка
2 лажички арома од ванила

за наросување:

70 г шеќер
50 г путер

Постапка:

Во подлабок сад растворете 20 г квасец со 280 мл млако млеко и 80 г шеќер. Промешајте за да се раствори и оставете на топло 10-тина минути за да се активира. Просејте 480 г брашно и додадете го во смесата од квасец и посолете со половина лажичка сол.

Додадете ги двете јајца оретходно отстојани на собна температура и 80 г растопен и подизладен путер (да биде течен, но не врел). Убаво промешајте. Тестото мешајте го со лажица или шпатула подолго време, околу 10 минути додека цеолосно да се изедначи. Треба да биде меко и лепливо.

Покријте го со проѕирна фолија и оставете го еден час да стасува додека да се удвои. Потоа размесете го со лажицата уште еднаш убаво и бидејќи е доста меко, додадете 2-3 прстофати нишесте. Промешајте, поклопете го со фолијата и оставете го да одмори уште 10 минути. Потоа смесата излејте ја во малку намастен плех (25х35 см) и обложен со хартија за печење. Со помош на шпатула рамномерно распоредете го и покријте го со фолија да стасува 45 минути.

За крем од ванила: Една жолчка разматете со 60 г шеќер, 15 г нишесте и 300 мл млеко. Убаво разматете да нема грутчиња, па додадете арома од ванила. Загревајте на тивок оган со постојано мешање додека да се свари кремот и да згусне, за што се потребни околу 10 минути. Во топлиот крем додадете 30 г путер и мешајте додека да се растопи и соедини.

Оставете го настрана целосно да излади и покријте го со фолија за да не фаќа коричка. Преку стасаното тесто нанесете го кремот со помош на сприц исцртувајќи дијагонални линии – баклави. Одозгора наросете кафеав шеќер и 50 г путер исечкан на ситни парченца. Ставете да се пече во загреана рерна на 180 степени околу 25 минути додека да зарумени, а кога ќе излади наросете ја со шеќер во прав. Деталите од постапката можете да ги погледнете во видеото:

Loading...