Највкусниот посен колач со ореви…БРЗ И НЕОДОЛИВ!
Овој посен колач е вистинско уживање за сите сетила – комбинација од крцкав кекс, богат вкус на ореви и освежувачки сок од портокал, завршен со сјајна чоколадна глазура.
Едноставен за подготовка, а изгледа толку декоративно што ќе ги воодушеви сите! Совршен за секоја пригода, без многу труд, пишува НМД. Еве што ви е потребно:
Потребни состојки:
За бискивит:
– 400 мл топла вода
– 13 лажици шеќер
– 3 лажици пекмез (по желба)
– 5 лажици мелени ореви
– 100 г посен мелен кекс
– 2 лажици какао
– 4 лажици масло
– 13 лажици меко брашно
– 1 лажичка сода бикарбона
За фил:
– 125 г омекнат посен маргарин
– 100 г шеќер во прав
– 200 г посен мелен кекс
– 100 г мелени ореви
– 100 г рендана посна црна чоколада
– 200 мл сок од портокал (или фанта)
За глазура:
– 100 г посна црна чоколада
– 3-4 лажици масло
– НМД
Постапка:
1. Подготовка на бискивитот:
Во сад измешајте ја топлата вода со шеќерот, пекмезот и маслото додека да се растопи. Додајте ги мелените ореви, посниот кекс, какаото, брашното и содата бикарбона.
Мешајте додека да добиете хомогена смеса. Истурете ја во плех (20×30 см) обложен со хартија за печење (или намастен и набрашнет) и печете на 180°C околу 30 минути. Оставете да се излади.
2. Подготовка на филот:
Во сад изматете го омекнатиот маргарин со шеќерот во прав додека да стане пенесто. Додајте ги мелените ореви, посниот кекс, ренданата чоколада и постепено вмешајте го сокот од портокал. Мешајте додека да добиете мазен фил.
3. Составување:
На изладениот бискивит рамномерно распоредете го филот. Измазнете го убаво за колачот да изгледа прецизно и декоративно.
4. Глазура:
Растопете ја посната чоколада со маслото на тивок оган или во микробранова печка. Прелијте ја преку филот и оставете да се стегне.
5. Сервирање:
Откако глазурата ќе се зацврсти, исечете го колачот на коцки или правоаголници и уживајте во овој брз, посен десерт!
Совет: За дополнителна свежина, послужете го со неколку капки сок од портокал или рендана кора од портокал одозгора. Добар апетит! Деталите од постапката можете да ги погледнете во видеото ОВДЕ:
