Многу вкусни ПОСНИ КИФЛИ МЕКИ КАКО ПАМУК…Овие ми се фаворитни…Еве што ви е потребно:
ПОТРЕБНИ СОСТОЈКИ:
350 мл млака вода
10 г сув квасец
1 лажичка шеќер
2 лажички сол
100 мл масло
700 г брашно
200 г посен маргарин
За премачкување на кифличките помешајте:
1 лажица брашно
3 лажици вода
малку сол
сусам, мак или ким за посипување
ПОСТАПКА:
Растворете ги квасецот и шеќерот во млака вода и оставете 10-тина минути. Потоа сипете го заедно со маслото во брашното помешано со сол и замесете средно меко, еластично тесто.
Тестото веднаш поделете го на 8 дела и обликувајте топчиња. Секое топче развлечете го во тенка кора. Одозгора премачкјате ги со омекнат маргарин и редете ги една преку друга. Само последната кора не ја премачкувајте.
Сите заедно одеднаш развлечете ги во голема тенка кора со дебелина од 5 мм. Пресечете ја на 4 дела, а потоа секој дел на 6 триаголници. Свиткајте ги и ќе добиете 24 кифли. Наредете ги во плех добро намастен со маргарин.
Покријте ги со крпа и оставете ги 50 минути да ферментираат. Потоа премачкјате ги со преливот од брашно и вода и посипете ги со семе по желба. Печете ги 20-тина минути во загреана рерна на 200 степени. Постапката погледнете ја ОВДЕ:
