Меки и сочни кифлички од пченкарно брашно

Потребни состојки:

500 г бело брашно

200 г пченкарно брашно (ситно сомелено)

Loading...

7 г сув квасец (20 г свеж)

200 мл млеко

100 мл јогурт

150 мл масло

1 јајце

2 мали лажички сол

1 лажичка шеќер

50 г путер/маргарин

Постапка:

Измешајте 300 г бело брашно и 200 г пченкарно. Додадете сол па на средината направете вдлабнатина и во него ставете 100 мл млако млеко, квасец, шеќер. Промешајте и оставете квасецот да се активира. Потоа додадете го остатокот од млекото, јогуртот, маслото, јајцето и започнете со постепено месење и додавање на белото брашно.

Оставете 30 минути тестото да надојде, па премесете и поделете на два дела. Правете ги кифличките со форма и величина по желба, можете да ги оставите празни или да ги полните со фил.

На секоја ставете парче путер/маргарин и оставете 15 минути да отстојат. За тоа време вклучете ја рерната на 200 степени и печете ги кифличките околу 25 минути или додека убаво да заруменат.

Loading...