Ова е уникатен десерт кој се приготвува за 5 минути, а има невеpојатно одличен вкус. Пробајте го еднаш и ќе се уверите колку е добар, па често ќе го правите. Одличен е за секакви пригоди, а особено кога немате многу време за во кујна. Изненадете ги вашите гости со нешто посебно, еве што ви е потребно:




ПОТРЕБНИ СОСТОЈКИ: 4 јајца, 90 г шеќер, 60 г брашно, 15 г пченкарен скроб/нишесте/густин, 40 г какао во прав, 40 мл масло, 70 г кекси по ваш избор и 100-200 г чоколадо, исто така, по ваш избор.




ПОСТАПКА: Во подлабок сад скршете четири јајца, додајте 90 г шеќер, па пенасто изматете ги со миксер. На почетокот матете со помала брзина, а потоа со најголема, сè додека шеќерот да се растопи и смесата да згусне и побели.




Во густо изматените јајца додајте ги сувите состојки најдобро просеани: брашното (60 г), пченкарниот скроб (15 г) и какаото во прав (40 г). Сувите состојки додавајте ги постепено, на неколку наврати.




Мешајте со црпење на лажица/шпатула од долу кон нагоре додека да се изедначат сите состојки и да се разбијат грутчињата. Мешањето треба да биде бавно за да се сочуваат меурчињата од изматените јајца.




Потоа додајте 40 мл масло за готвење и повторно промешајте за да се инкорпорира. на крај треба да добиете хомогена, мазна и густа смеса со полутечна конзистенција. Додајте и 70 г бисквити по ваш избор, ситно искршени со раце или исечени врз даска.




Промешајте за рамномерно да се натопат бисквитите, па добиената смеса излејте ја во помал и подлабок, долгнавест калап во кој обично печете леб или ролат, претходно обложен со хартија за печење.




Распоредете ја рамномерно смесата, израмнете ја површината, па ставете да се пече во претходно загреана рерна на 170 степени, приближно 30-35 минути, или во зависност од рерната. Печениот колач превртете го врз десертна чинија и отстранете ја хартијата.




Отсечете ги краевите за да се открие декоративната внатрешност на колачот. Одозгора поставете го целото чоколадо, па вратете го колачот во топлата рерна уште 5-10 минути, за тоа да омекне и малку да се растопи. Деталите погледнете ги ОВДЕ.