Лек за јакнење на слузокожата на грлото, против кашлица и воспаленија. Фото и рецепт: Веселинка. „Здраво НМД.мк и почитувани читатели на овој сајт. Овде прочитав многу добри рецепти за сирупи против кашлица, па би сакала да го додадам и споделам овој рецепт кој помага на „долги патеки“.
Децата го сакаат и го пијат без га-дење и муртење зошто има пријатен вкус. Рецептот го научив од мајка ми која беше дел од еден тим за превенција на болести на грло и бели дробови кај деца, како фармацевт.
Ова е еден од оние сигурни и испробани народни рецепти (нејзиниот тим го одобри), кој поволно делува кај чести воспаленија, ја јакне слузокожата на грлото и ги намалува проблемите кај сува кашлица.
Пoтребни состојки: 10 цели ореви (во тврда лушпа), 1 литар вода, ¼ лажичка морска сол (околу 3-4 грама). И уште: по вкус може да се додаде мед како засладувач.
Постапка: Оревите во дрвенестата лушпа добро измијте ги. Искршете ги на помали парчиња и заедно со лушпите ставете ги во тенџере. Прелијте ги со 1 литар ладна вода, додајте сол и варете на тивок оган додека количината на течноста да испари на малку повеќе од половина.
Изладете и процедете. Лекот чувајте го на ладно и темно место, затворено во порцеланска или стаклена тегла. Па дури и на мали деца (над две години) може да се дава, секој ден, со конcyлтација на нивниот лекар: половина мала шолјичка за кафе (околу 50 мл) благо загреан сируп, засладен со мед, помеѓу оброците (ако се внесува со храна ќе се редуцира ефикасноста).
По потреба подгответе нова количина. Како и со секој лек, не треба да се претерува, а во продолжение прочитајте уште еден моќен лек за зајакнување на белите дробови и лекување на респираторни инфекции.
Оваа смеса има силни антимикробни и антивоспалителни својства, што е одлично за белите дробови. Покрај тоа, благодарение на антиоксидативните својства, ги уни-штува слободните радикали.
За да го подготвите ќе ви требаат следниве состојки: ½ тегла мед, 40 г тимијан, сув (Thymus vulgaris), 40 г мајчина душица (thymus serpyllum). Тимјан вулгарис билката е всушност многу слична на мајчината душичка, но се разлкикува по растењето. Имено, вулгарис расте исправено, додека мајчината душичка е ползавец, односно, цветовите може да му се полегнати.
Постапка: Измешајте ги билките во медот. Ако смесата е премногу густа, додадете 50 мл дестилирана млака вода. Добро промешајте и чувајте ја теглата на топло место во текот на две седмици. На секои два дена треба да се промеша мешавината. Процедете со помош на газа или цедалка.
Употреба: Консумирајте по една супена лажица, двапати дневно. Една од најпопуларните билки кои растат во изобилство во нашата земја е мајчината душица, како што нашиот народ ја нарекува мајкина душичка.
Таа е главна состојка во ароматичните одвари кои ги користиме за затоплување во зима и има еден куп лековити својства. Чајот од мајчина душица е одличен за враќање на силата, здравјето и виталноста. Има уникатен вкус и необична арома, ја гаси жедта во лето и загрева во студените зими. Овој напиток често се користи за превенција и фитотерапија на разни болести.
Измешана во еднакви делови со ајдучка трева, мајчина душица е докажан лек против респираторни заболувања, прекумерна слуз во бронхиите и бронхијална астма, па дури и против голема кашлица.
Ставете парче лимон и една мала лажица од споменатата мешавина од чај во чаша топла вода. По половина минута, исцедете го чајот и пијте го што е можно потопол, во голтки. Подготвувајте свеж, четири до петпати на ден. Ако постои пневмонија, овој чај треба да се пие секој час, во голтки, а неговиот ефект нема да изостане.
