Фотографии на Фемије Сулејмани: Квргуша.
Навистина одлична идеја, како да си приготвите многу вкусен ручек од пилешко месо во сос, ни предложи нашата драга членка Фемије Сулејмани во групата НМД рецепти.
Ова е едно убаво и вкусно јадење, кое се приготвува едноставно, од многу малку состојки, а се добива врвен специјалитет.
Потребни состојки:
1 кг пилешко месо исечено на парчиња, 1 лажица сув зачин (вегета), 7 лажици масло, 6 јајца, 150 г остро брашно, ½ лажичка сол, 500-600 мл млеко
Постапка:
Пилешкото месо одвојте го од коски (или замолете ги во месарата тоа да го направат наместо вас), па исечете го на помали парчиња и зачинете со сув зачин (убаво протријте го рамномерно). Може да ги оставите и цели парчињата доколку сакате.
Вака приготвено месо пропржете го на 3 лажици загреано масло од сите страни по 10-тина минути. Разматените јајца промешајте ги со брашното, сол, млеко, па оставете ја смесата да отстои околу 10-15 минути.
Во огноотпорен сад или плех ставете го преостанатото масло и загрејте го. Врз загреаното масло излејте третина од смесата со јајца и брашно. Врз смесата распоредете го запрженото месо, а врз месото прелијте ја преостанатата количина од смесата со јајца, брашно и млеко.
Печете во загреана рерна на 210 степени околу 20-30 минути. Печеното пилешко оставете малку да излади, исечете го на порции и послужете го со салата. Може да прелиете со милерам-кајмак. Коските можете да ги сварите и да направите супа.
Coolinarika.com
