Многу вкусни!
Потребни состојки:
1/2 путер/маргарин
1 јајце
1 кисело млеко (180 мл)
1 лажичка сол
1 прашок за печиво
400 г брашно
За валкање:
100 г сусам
1 лажица мед + 3 лажици вода
Постапка:
Путерот на собна температура пенасто изматете го со миксер, па додадете едно јајце и кисело млеко.
Продолжете со матење уште некоја минута, па додадете 2/3 од брашното, еден прашок за печиво и една лажичка сол.
Изматете да се изедначи смесата, па додадете го остатокот од брашното и продолжете да месите со рака.
Убаво измесеното тесто кое се двои од ѕидовите на садот, оставете го 10-15 минути да одмори.
За тоа време разматете една лажица мед со три лажици вода.
Со раце формирајте стапчиња како кифли, тенки или дебели, кратки или долги – ги обликувате по ваша желба.
Стапчињата ги натопувате во медниот раствор па ги валкате во сусам. Ќе ви биде потребно околу 100 г сусам.
Ќе добиете околу 2 плеха вакви стапчиња.
Печете ги 15-20 минути на 200 степени додека убаво да заруменат.
Деталите погледнете ги во видеото:
