КОЛАЧИ ЗА МЛАДЕНЦИ…Јадете, сакајте, играјте, месете, пејте, љубете, гушкајте…и не заборавајте сѐ да залиете со мед…22 март се МЛАДЕНЦИ и по тој повод се приготвуваат овие вкусни медени колачи:
РЕЦЕПТ 1 – ПОТРЕБНИ СОСТОЈКИ (рецепт на Драгана Ѓорѓевиќ):
1 кг брашно
1 коцка квасец
400 мл млака вода или по потреба
6 лажици шеќер
150 мл масло
1 прстогат сол
рендана кора од лимон/портокал по вкус
ванила, зачин чурек, мед, ореви
РЕЦЕПТ 2 – ПОТРЕБНИ СОСТОЈКИ – Постапка ОВДЕ.
650 г меко брашно тип 400
1 лажичка сода бикарбона
1 лажичка сол
4 лажици шеќер
1 кесичка ванилин шеќер
250 мл млака вода
100 мл масло + малку масло за премачкување пред печењето
сок од 1 лимон
За премачкување мед и мелени ореви за наросување
![](https://nmd.mk/wp-content/uploads/2021/03/IMG_7882.jpg)
РЕЦЕПТ 3 – ПОТРЕБНИ СОСТОЈКИ (рецепт на Даниела Китановиќ – постапка ОВДЕ):
-малку млака вода, 2 лажици шеќер, 25 г квасец и малку брашно за квасецот да се промеша и активира
200 мл газирана млака вода
70 мл масло
50 г или 5 лажици шеќер
1 лимон – сок и рендана кора
малку цимет по желба
650 г брашно +-
1 лажичка сол
За премачкување мед и ореви
ПОСТАПКА за рецепт 1:
1.Од наведените состојки замесете средно меко тесто. покријте го и оставете го да ферментира додека да го зголеми волуменот.
2.Развлечете го во кора со дебелина 1.5 см. Со чаша или модла вадете колачи и редете ги во плех.
3.Оставете ги да ферментираат и да го зголемат волуменот, 15-тина минути. Со гранче од босилек боцнете ги неколкупати.
4.Печете ги во загреана рерна на 180-200 степени додека малку да заруменат. Додека се топли премачкјате ги со мед и посипете ги со мелени ореви.
ПРОЧИТАЈТЕ: Нека им се со среќа на младенците! Чурек со локум и суво грозје (слатка погача) – ОВДЕ.
![](https://nmd.mk/wp-content/uploads/2019/11/IMG_8274.jpg)