Колач со кокос, без јајца, без маргарин, без миксер, мерки на чаша

Ми се допадна брзината со која се приготвува овој едноставен, а многу вкусен колач. Не ви е потребен миксер. Се мери со чаша од 200 мл.

Потребни состојки:

2 чаши јогурт
1 чаша кокосово брашно
1 чаша шеќер
1 чаша пченичен гриз
1 прашок за печиво

за прелив:

300 мл вода
4 лажици шеќер
1 ванилин шеќер

за фил:

Loading...

1 литар млеко
3 пудинг од ванила
шеќер по вкус
шлаг или слатка павлака

Постапка:

Прво сварете го преливот: На оган ставете вода и шеќерите, па кога ќе зоврие, промешајте за да се растопи шеќерот. Потоа тргнете на страна за да се олади.

За кора: сите состојки по ред изматете ги со обична лажица, додека да се соединат. Смесата излејте ја во намастен и набрашнет плех со величина 21х30 см и ставете да се пече околу 20 минути, во претходно загреана рерна на 180 степени.

Додека се пече кората, сварете го пудингот во млекото, ставете шеќер колку сакате по вкус.

Врелата кора веднаш по вадењето од рерна, прелијте ја со изладениот прелив, почекајте неколку минути да се впие, па прелијте го врелиот пудинг врз кората.

Кога колачот ќе излади, изматете шлаг или слатка павлака, па премачкајте одозгора и уживајте во вкусот,

Овој колач е практичен и се приготвува во рок од половина час. Многу е вкусен и практичен, бидејќи секогаш можете да ги менувате пудинзите по желба и секогаш добивате нов колач.

Coolinarika.com

Loading...