Неодоливи грицки во кои можете да си ставите зачини по свој вкус, оние кои вие најмногу си ги сакате. А исто така, од една доза излегуваат толку многу, па можете да направите и микс од различни вкусови. Она што е најважно – точно знаете што ставате внатре, а грицките се 100% домашни и без адитиви.
Потребни состојки: 500 г брашно, 1 сув квасец, 100 мл масло, 200-250 мл вода, 1 лажичка сол + за наросување, а од зачини колку сакате и какви сакате: мелено ленено семе, сусам, ким, црвена слатка пиперка во прав или лута пиперка во прав… комбинации има многу.
Постапка: Од наведените состојки замесете малку тврдо, но не претврдо тесто. Јас ги наведов зачините кои ги додадов во тестото, а вие можете да ставите што сакате по ваш вкус. Тестото не треба да го оставате да стасува, туку веднаш поделете го на неколку помали топчиња.
![](https://nmd.mk/wp-content/uploads/2021/03/IMG_6582.jpg)
Од секое топче направете валјаче, па потоа со помош на кујнски ножици сечете цик-цак мали грицки и ставајте ги директно во плех обложен со хартија за печење. Убаво распоредете ги, иако се куп и ги има многу, нека не бидат едни преку други, туку во еден ред за убаво да се испечат.
![](https://nmd.mk/wp-content/uploads/2021/03/IMG_6583.jpg)
Пред да ги ставите да се печат уште еднаш малку посолете ги (за да бидат солени, нели, но не претерувајте), а рерната загрејте ја на 200 степени. Кога доволно ќе се загрее ставете ги квиките да се печат околу 10-15 минути до посакуваната боја. Еднаш или двапати можете да ги промешате за рамномерно да се испечат. / Coolinarika.com
![](https://nmd.mk/wp-content/uploads/2021/03/IMG_6584.jpg)
Погледнете го видео рецептот на Марко Стрижак од „Како да се готви“ – Домашни квики грицки со вкус ист како на купечките. оригинал би биле кога би се пржеле во врело масло, но тоа е малку помасна верзија и понездрава, па затоа грицките е најдобро да се испечат во рерна.
![](https://nmd.mk/wp-content/uploads/2021/03/IMG_6585.jpg)
![](https://nmd.mk/wp-content/uploads/2021/03/IMG_6586.jpg)
Врз хартијата премачкјате малку масло, па кога ќе ги наредите малите сечени парчиња од тесто уште еднаш премачкјте ги со масло и на тој начин ќе го добијат оној „грицкав“ вкус. За подготовка на грицките потребно се следните состојки: брашно, квасец, вода, масло, сол и ким.
![](https://nmd.mk/wp-content/uploads/2021/03/IMG_6587.jpg)
![](https://nmd.mk/wp-content/uploads/2021/03/IMG_6588.jpg)
![](https://nmd.mk/wp-content/uploads/2021/03/IMG_6589.jpg)
За оригиналниот вкус на квиките се користи зачинот ким кој најдобро е претходно малку да се пропржи во сува тава, околу 3-4 минути додека да започне да потпукнува и да го ослободува карактеристичниот мирис. Оставете го да се олади. Во тестото може да ставите и суса или други зачини по ваш вкус.
![](https://nmd.mk/wp-content/uploads/2021/03/IMG_6590.jpg)
Постапка: Во брашното (500 г) додајте го сувиот квасец (една кесичка) и промешајте. Постепено започнете да додавате вода, од 200 до 250 мл вода. Не ја додавајте одеднаш целата вода туку постепено, бидејќи треба да добиете густо и малку потврдо тесто.
![](https://nmd.mk/wp-content/uploads/2021/03/IMG_6591.jpg)
Промешајте и во тестото додајте 100 мл масло и лажичка сол. Убаво замесете го со рака додека да се соединат сите состојки, а потоа тестото доработете го на работната површина. Може да приготвите и помала количина доколку сакате, но верувајте квиките се превкусни, а можат да стојат цела седмица без да го промеат вкусот.
![](https://nmd.mk/wp-content/uploads/2021/03/IMG_6592.jpg)
Откако ќе го измесите тестото (околу 5 минути месење) тоа ќе стане компактно и мазно. Одвојте малку или половина, па малку сплескајте го и во него додајте го изладениот (претходно пропржениот) ким, па повторно уште малку измесете за да се распореди семето внатре во тестото.
![](https://nmd.mk/wp-content/uploads/2021/03/IMG_6593.jpg)
![](https://nmd.mk/wp-content/uploads/2021/03/IMG_6594.jpg)
Во вториот дел додајте сусам кој исто така претходно малку сте го пропржиле и сте го оставиле да излади и димена пиперка во прав (по избор). Добро измесете го тестото за рамномерно да се распоредат зачините и семето. Тестото не треба да се остава да стасува.
![](https://nmd.mk/wp-content/uploads/2021/03/IMG_6595.jpg)
![](https://nmd.mk/wp-content/uploads/2021/03/IMG_6596.jpg)
![](https://nmd.mk/wp-content/uploads/2021/03/IMG_6597.jpg)
![](https://nmd.mk/wp-content/uploads/2021/03/IMG_6598.jpg)
Потоа од тестото кинете мали парчиња и правете тенки валјачиња како стапчиња. Потоа сечете ги цик-цак прижближно да ви бидат еднаква величина сите квики. Распоредете ги врз намастената хартија и уште еднаш одозгора поминете ги со четка натопена во малку масло.
![](https://nmd.mk/wp-content/uploads/2021/03/IMG_6581.jpg)
Наросете ги со сол и ставете ги во загреана рерна на 200 степени да се печат 10-тина минути, потоа извадете ги, протресете ги, малку промешајте ги, пробајте ги и вратете ги а ко е потребно да се допечат уште некоја минута. Деталите од постапката можете да ги погледнете во видеото ОВДЕ.
![](https://nmd.mk/wp-content/uploads/2021/03/IMG_6571.jpg)