Домашни бајадери – готови се за 20 минути

Не мора да бидете експерти во кујната за да ги направите овие бајадери.

Потребни состојки:

9 лажици вода

200 г шеќер

Loading...

150 г мелени ореви, бадеми или лешници

250 г мелени бисквити

170 г путер

100 г чоколадо за готвење

За глазура:

100 г чоколадо за готвење и малку масло

Постапка:

Во еден сад додадете вода и шеќер и загрејте на тивко додека да се растопи шеќерот. Додадете путер, тргнете од оган и мешајте додека да се растопи. Кога путерот ќе се растопи додадете ги оревите и бисквитите, а потоа мешајте додека да добиете густа изедначена смеса.

Добиената смеса поделете ја на два еднакви дела. Чоколадото растопете го на пареа и измешајте го со првиот дел од смесата. На тацна ставете масна хартија за печење и чоколадниот дел нанесете го, па со раце обликувајте правоаголник, а горниот дел и аглите обликувајте ги со нож.

На ист начин врз него нанесете го и белиот слој. Остатокот од чоколадото растопете го на пареа со малку масло и рпелијте ај бадајерата.

Бајадерата оставете ја во фрижидер да се стегне добро, а следниот ден исечкајте ја на коцки и послужете.

Loading...